• USD 468.56

  • EUR 497.56

  • RUB 7.3

  • CNY 67.18

28 Naýryz, 22:18:58
Almaty
+35°

Memleket basshysy Qasym-Jomart Toqaev «Syndarly-qoǵamdyq dıalog – Qazaqstannyń turaqtylyǵy men órkendeýiniń kepili» atty halyqqa arnaǵan Joldaýynda «Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Atap aıtqanda, eń aldymen aýyl turǵyndaryna turaqty jumys beredi, jumyssyzdyqty azaıtady. Sonymen qatar salyq bazasyn qurap, jergilikti bıýdjetti nyǵaıtady. Sondaı-aq jappaı kásipkerlikti damytý sanaǵa sińgen paternalıstik pıǵyl men masyldyqtan arylýǵa múmkindik beredi. Elimizde kásipkerlikti damytýdyń úlgi bolarlyq mysaldary jetkilikti. Biz shaǵyn kásipkerlikti búkil qoǵam bolyp qoldaýymyz kerek»,– dep atap kórsetken bolatyn.

Búginde Jambyl oblysynda óz isin ashyp, jeke kásipke bet burǵan jastardyń qatary kóbeıip kele jatyr. Bul turǵyda olarǵa qoldaý-kómek aýadaı qajet. Osy oraıda ústimizdegi jyldyń 24 shilde - 27 tamyz aralyǵynda «Atameken» kásipkerler palatasy arqyly 900 jas «Jas kásipker» jobasy aıasynda 2 kezeń boıynsha oqytyldy. Bıylǵy 24 shildede turaqty jumys orny joq jastar úshin qysqa merzimdi kýrstar bastaldy. Kýrsty bitirip, óz isin asham degen jastarǵa jeńildetilgen kredıt nemese memlekettik grant alýǵa «Atameken» kásipkerler palatasy tarapynan múmkindikter jasalǵan.

Sol sııaqty, aǵymdaǵy jyldyń 7-18 qazany aralyǵynda 18-29 jas aralyǵyndaǵy jastardyń ınnovasııalyq jáne kásipkerlik áleýetin damytýǵa baǵyttalǵan «Jas kásipkerler mektebi» jobasy iske asyrylýda.

Jastardyń jumyspen qamtylýynda bos jumys oryndary jármeńkesin ótkizýdiń de tıimdiligi mol. Mysaly, ústimizdegi jyldyń 1 qazanyndaǵy málimet boıynsha oblys boıynsha 1 óńiraralyq jáne Taraz qalasy men aýdandarda 48 bos jumys oryndary jármeńkeleri ótkizilgen. Olarǵa 16-29 jas aralyǵyndaǵy 1000 jas qatysty. Jármeńkelerge qatysýshy jastardyń 60 paıyzy jumyspen qamtylyp otyr.

Osy jármeńkelerde 771 jumys berýshiden 2386 jumys oryndaryna usynys túskenin aıta ketken jón. Jármeńkeler nátıjesinde 432 jas turaqty jumysqa ornalasyp, aqyly qoǵamdyq jumystarǵa 33 jas, kásibı oqytýǵa 13, áleýmettik jumys oryndaryna 1, jastar tájirıbesine 113 jas, maýsymdyq jumystarǵa 8 jas jiberilgen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir