• USD 468.56

  • EUR 497.56

  • RUB 7.3

  • CNY 67.18

28 Naýryz, 22:47:04
Almaty
+35°

О́z ómirlerin adam ómirin qutqarýǵa arnaǵan adamdardyń eńbegin asyra baǵalaý múmkin emes. Kóp adamǵa kómek kórsetip, olardy aman alyp qalý úshin qaltarys pen jańylys bolmaýy kerek. Dál osy qyzmet Tótenshe jaǵdaılar komıtetiniń Apattar medısınasy qyzmetiniń mindetine jatady.

Qazaqstan TMD-nyń alǵashqy elderiniń biri bolyp respýblıkalyq shuǵyl medısınalyq kómek ortalyǵyn qurdy. 1994 jyly ortalyq óziniń Apattar medısınasy ortalyǵy bolyp qazirgi zamanaýı ataýyn aldy.

Jambyl oblysy boıynsha Apattar medısınasy ortalyǵy fılıaly qyzmetiniń maqsaty tabıǵı jáne tehnogendik sıpattaǵy tótenshe jaǵdaılar aımaǵynda zardap shekkenderge shuǵyl medısınalyq kómek kórsetý, JKO, avarııalyq-qutqarý qyzmetteriniń qyzmetkerlerine ambýlatorııalyq-medısınalyq kómek kórsetý boıynsha is-sharalardy júzege asyrý jolymen adamı shyǵyndardy tómendetý, Jambyl oblysy boıynsha Apattar medısınasy salasynda memlekettik densaýlyq saqtaý organdary men uıymdarynyń úılestirýi men ózara is-qımylyn qamtamasyz etý bolyp tabylady.

Búgingi kúni Apattar medısınasy ortalyǵynyń fılıaly – Jambyl oblysy boıynsha tótenshe jaǵdaılardyń aldyn alý jáne joıýdyń biryńǵaı memlekettik júıesine kiretin kásibı medısınalyq avarııalyq-qutqarý qyzmeti.

Tótenshe jaǵdaılarǵa den qoıý boıynsha ortalyqtyń negizgi jedel birligi kúre joldyq medısınalyq-qutqarý pýnktteriniń shuǵyl medısınalyq kómek brıgadalary jáne fılıaldyń shuǵyl medısınalyq kómek brıgadalaryna bólingen. Shuǵyl medısınalyq kómek brıgadalary Turar Rysqulov aýdany Qulan aýylynda, Shý aýdany Tóle bı aýylynda, Moıynqum aýdany Býrylbaıtal aýylynda ornalasqan.

Shuǵyl medısınalyq kómek brıgadalary zardap shekkenderge ýaqtyly medısınalyq kómek kórsetýge arnalǵan zamanaýı medısınalyq jabdyqtarmen jáne dári-dármektermen jabdyqtalǵan.

Apattar medısınasy ortalyǵy fılıalynyń qyzmet atqarý barysynda bólimsheleri barlyq iri tótenshe jaǵdaılardy medısınalyq-sanıtarlyq qamtamasyz etýge belsendi qatysyp, zardap shegýshige bilikti medısınalyq kómek kórsetti.

Apattar medısınasy ortalyǵynyń fılıaly emdeý uıymdarynda qurylǵan jáne josparlanǵan oqý-jattyǵýlarda pysyqtalatyn turaqty daıyndyq rejıminde turǵan densaýlyq saqtaý júıesiniń medısınalyq qurylymdarymen ózara is-qımyl jasaý máselelerine kóp kóńil bólinedi.

Búgingi tańda Jambyl oblysy boıynsha Apattar medısınasy ortalyǵynyń fılıaly óziniń qyzmet obektisi jáne oǵan tán jumys ádisteri bar oblystyń densaýlyq saqtaý salasynyń derbes salasy retinde ózin kórsete bildi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir