• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:55:10
Qazaqstan Ýkraınanyń saýda naryǵyna alańdaýly

16 Qazan, 2019 Saıasat

Janbolat Mamaı demokratııalyq baǵyttaǵy jańa partııa quratynyn málimdedi

Jýrnalıst Janbolat Mamaı bastaǵan bir top belsendi Qazaqstanda jańa demokratııalyq partııa quratyndaryn málimdedi. Bul týraly belsendiler búgin, 16 qazanda Almatydaǵy adam quqyǵyn qorǵaý bıýrosynda ótken baspasóz máslıhatynda aıtty.

Baspasóz máslıhatynda Mamaıdan bólek, saıasatker, qoǵam qaıratkeri Tólegen Júkeev, jýrnalıst Sergeı Dývanov, jýrnalıst Ásel Jańabaeva sóz sóıledi. Olar partııa qurýdy burynnan josparlap júrgenderin aıtty.  Olardyń aıtýynsha, qurylǵaly otyrǵan partııa "Qazaqstannyń demokratııalyq partııasy" dep atalmaq. 

- Biz Qazaqstanda jańa saıası, demokratııalyq partııa quratymyzdy málimdegimiz keledi. Biz bul máseleni keshe nemese búgin ǵana kótergen joqpyz. Bul oı bizde burynnan bar boldy. Bizdiń basty maqsatymyz - saıası reforma júrgizý. Saıası tutqyndardyń bostandyǵyna qol jetkizý. Aron Arynbek, Muhtar Jákishev sııaqty saıası tutqyndardyń bosatylyp, memlekettiń olarǵa ótemaqy tólegenin qalaımyz. Sondaı-aq, Qazaqstanda "mıtıngige zańsyz shyqty dep" belsendiler men azamattardy 15 táýlikke qamaıdy. Osy jaǵdaıdy ózgertkimiz keledi. Biz Ádilet mınıstrligine ótinish tastap, bárin zańdy túrde jasaımyz", - dedi Mamaı.

Baspasóz jıynyna skaıp arqyly qatysqan jýrnalıst Sergeı Dývanov qurylǵaly otyrǵan partııany "tirkeýden ótkizý qıyn" bolatyn jetkizdi. 

- Tirkeı me, joq pa, ekinshi másele. Birinshiden tirkeý prosedýrasynyń ózi mańyzdy. Eger jańa saıası partııany tirkemeıtin bolsa, bıliktiń demokratııaǵa qaraı qadam basýǵa qulqy joq ekeni, Qazaqstan prezıdenti Qasym-JomartToqaevtyń saıası reforma týraly aıtqandarynyń jaı sóz ekeni belgili bolady. Onda bılik birjola senimnen aıyrylady, - dedi Dývanov.

Janbolat Mamaı "Qazaqstanda ózgeris jasaýǵa talpynyp júrgen toptar bar" ekenin aıtyp, olardy birigýge shaqyrdy.

- Bizde ártúrli saıası kúshter men toptar bar. Men barlyǵyn birlikke shaqyramyn. Demokratııalyq qoǵamdy ańsaıtyn saıası kúshterge birigeıik degim keledi. Bólisetin esh nárse joq, biz birge bolýymyz kerek. Árkim ustanǵan pozısııasyna qaramastan, búgingi bılikti ózgertkisi kelse birge jumys isteýi tıis. Úlken kúrdeli máselelerdi sheshýde bir jaǵadan bas, bir jeńnen qol shyǵaryp, qoıan-qoltyq jumys jasaıyq. Biz táýelsiz, óz pikirin ashyq aıta alatyn azamattardy partııaǵa qosylýǵa shaqyramyz. Qazaqstandaǵy shyn ózgeristerdi qalaıtyn azamattar qatarymyzǵa qosylsyn, - dedi Mamaı.            

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir