BUU hatshysynyń orynbasary: Iаdrolyq soǵystyń bastalýyna eki mınýt jetip jatyr

Ǵylym men jańa tehnologııa damyǵan saıyn álemde ıadrolyq soǵystyń qaýpi arta túsýde. Bunyń sebebi men saldary jóninde "Kommersant" basylymyna bergen suhbatynda BUU Bas hatshysynyń qarýsyzdaný máseleleri jónindegi orynbasary Izýmı Nakamısý sóz qozǵady. 

- Memleketter arasynda, onyń ishinde ıadrolyq derjavalar arasyndaǵy senim joǵalyp barady. О́zara dıalogtyń bolmaýy, alpaýyt elder arasyndaǵy ǵylym men jańa tehnologııanyń damýyndaǵy qyzý básekelestik arta túskendikten de alańdaýǵa negiz bar, - dedi.

- Kóptegen analıtıkalyq uıymdar, qarý-jaraqty baqylaý jónindegi sarapshylar ıadrolyq qarama-qaıshylyqtyń ósip kele jatqan qaýpi týraly kóp aıtyp júr. Iаdrolyq soǵystyń bastalýyna eki mınýt jetip jatyr. Qııamet qaıym ornaıdy, - dedi Nakamısý. 

- Jetekshi derjavalar dıplomatııa men kelissózge qaraǵanda, áskerı kúshke kóp senim artatyn sııaqty, - dedi BUU hatshysynyń orynbasary.