• USD 389.52
  • EUR 429.21
  • RUB 6.07
  • CNY 54.94
21 Qarasha, 00:33:33
Qazaqstan Ýkraınanyń saýda naryǵyna alańdaýly

16 Qazan, 2019 NEWS

Toqaev: Saıasatqa ózgeris engizý kerek

Qasym-Jomart Toqaev Aqordada ótken ekonomıkalyq máseleler jónindegi otyrysta birqatar tapsyrma berdi

Prezıdent  Ulttyq qordan bólinetin transfertterdi birtindep azaıtý qajettigin eskertti.

Memleket basshysynyń aıtýynsha, qordaǵy qarajatqa asa qajettilik týyndaǵan jaǵdaıda ǵana júginý kerek.

"Úkimet birinshi kezekte respýblıkalyq bıýdjettiń kiris bóligine nazar aýdarýy qajet. Ulttyq bank Ulttyq qordaǵy ınvestısııalyq tabystyń túsimin arttyrý maqsatynda qarajatty basqarý joldaryn qaıta qarastyrýǵa mindetti. Aktıvterdi durys basqarý Ulttyq qordyń kólemin aıtarlyqtaı arttyra alady", – dedi memleket basshysy.

Sondaı-aq Prezıdent bankterdiń jumysyn da synǵa aldy. Olar áldeqaıda kóp tabys tabý úshin resýrsyn tutynýshylyq kredıtke baǵyttaıdy. Demek, bıznesti nesıelendirý kólemi azaıady. Toqaev Ulttyq banktegi atalmysh saıasatqa ózgeris engizýi kerek ekenin aıtty.

"Ulttyq bank osy saıasatqa shuǵyl ózgeris engizýi tıis. Qarjy retteýshisiniń málimeti boıynsha, ekonomıkanyń ár sektorynyń 50 paıyzdan astamy – bankterdiń múddesin kózdeıtin ornyqty ári qarjylaı táýelsiz kásiporyndar. Alaıda, olar bank nesıelerin tartýǵa qulyqsyz. Nege? Múmkin kommersııalyq bankter belgileıtin sharttardy ol kásiporyndar tıimsiz dep sanaıtyn shyǵar. Ulttyq bank aldynda qarjy sektorynyń turaqtylyǵyn qamtamasyz etý nemese naqty sektordy nesıeleýdi damytý tańdaýy tur. Sondyqtan tıimdi sheshim qabyldaýy kerek, – dedi prezıdent.

Aqsha-kredıt saıasatynyń strategııasy

Prezıdent 2030 jylǵa deıingi aqsha-kredıt saıasatynyń strategııasyn jasaýdy tapsyrdy. Qasym-Jomart Toqaev Ulttyq bankti kommýnıkasııa men aqparattyq-túsindirý jumystaryn jaqsartýǵa shaqyrdy. Bul óz kezeginde naryqqa qatysýshylar men turǵyndardyń senimin arttyryp, devalvasııaǵa qatysty túrli "boljamnyń"aldyn alady.

Aqordada ótken otyrysta eldiń áleýmettik-ekonomıkalyq damýynyń qorytyndysy, aqsha-kredıt saıasatyn júzege asyrý, ataýly áleýmettik kómek reformasy men áleýmettik máseleler talqylandy.

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir