16 Qazan, 2019 NEWS
AQSh-ta Dımash qazaqsha án salady
Nıý-Iorkte Dımashtyń únimen qazaqtyń áni áýeleıdi
Qazaqtyń baǵyna bitken Dımash Qudaıbergen 10 jeltoqsan kúni AQSh-ta jeke Arnau tour ENVOY konsertin beredi, Atalmysh konsertte ánshi qazaq, orys, aǵylshyn jáne qytaı tilderinde án salady.
"Men Arnau tour ENVOY shoýy arqyly elimizdiń mádenıetin búkil álemge kórsete alatynym úshin baqyttymyn. Nıý-Iorktegi konserttiń kórermenderi zamanaýı naqyshtaǵy naǵyz qazaq ónerimen tanysa alady. Qazirgi ýaqytta men jáne bizdiń komanda osymen jumys istep jatyrmyz. Osy jobaǵa qatysyp jatqan árbir adamnyń óz isiniń kásibı mamany ekenin aıtqym keledi", – dedi D.Qudaıbergen.
Jahandyq Arnau tour ENVOY konsepsııasyna Dımash Qudaıbergen 2019 jyly Nur-Sultanda óner kórsetken ARNAU baǵdarlamasynyń eń úzdik sátterin qosady. Konserttik shoýdyń negizgi motıvi – álem sheksizdigi.
AQSh-taǵy Qazaqstannyń mádenı kúnderi aıasynda Mádenıet jáne sport mınıstrliginiń qoldaýymen 19 myń adam syıatyn Barclays Center arenasynda Dımashtyń shoýy ótedi.
Konsertke Dımashtyń komandasynan bólek Nıý-Iorkke "Astana balet" teatrynyń ujymy da barady. Esterińizge salsaq, 29 qarasha kúni ánshi Sankt-Peterbýrgte konsert beredi dep josparlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir