14 Qazan, 2019 Aımaqtar

Jýaly jerinde agrosala alshań basýda

Jambyl oblysyndaǵy Jýaly aýdany-negizinen aýyl sharýashylyǵyna beıimdelgen aımaq. Munda egin egip, mal ósirip, sol arqyly turmysyn tiktep otyrǵan turǵyndardyń qarasy qalyń. Osy oraıda Memleket basshysy Qasym-Jomart Kemeluly Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda agroónerkásip keshenin damytý týraly tapsyrmasy jýalylyqtardyń oıyn dóp basqandaı.

Bul turǵyda Prezıdent: «Aýyl sharýashylyǵy – bizdiń negizgi resýrsymyz, biraq onyń áleýeti tolyq paıdalanylmaı otyr.

El ishinde ǵana emes, shetelde de suranysqa ıe organıkalyq jáne ekologııalyq taza ónim óndirý úshin zor múmkindikter bar.

Biz sýarmaly jer kólemin kezeń-kezeńmen 2030 jylǵa qaraı 3 mıllıon gektarǵa deıin ulǵaıtýymyz kerek.

Bul aýyl sharýashylyǵy óniminiń kólemin 4,5 ese arttyrýǵa múmkindik beredi.

Saýda jáne ıntegrasııa, aýyl sharýashylyǵy mınıstrlikteri fermerlerge óz ónimin syrtqa shyǵaryp satý úshin barynsha qoldaý kórsetýi tıis.

Osyǵan oraı Úkimetke tıisti tapsyrma berildi. Bul – mańyzdy mindet,

Aýyl sharýashylyǵy ónimin eksporttaý isinde shıkizatqa negizdelýden bas tartý kerek» dep atap kórsetken bolatyn. Búginde jyldyń basty qujatynan týyndaıtyn mindetter Jýaly jerinde de kezeń-kezeńimen iske asýda.

-Aýyl sharýashylyǵy – bizdiń negizgi resýrsymyz. Aýdan egin ósirýge de, mal baptaýǵa da geografııalyq turǵydan óte qolaıly aımaq. Esepti merzimde aýyl sharýashylyǵy óniminiń jalpy shyǵarymy 9 mıllıard 720,7 mıllıon teńgeni qurady Onyń ishinde tutastaı kólemin mal sharýashylyǵy ónimderi qurap otyr. Shet memleketten, naqtyraq aıtqanda Chehııadan asyl tuqymdy sútti, etti baǵyttaǵy 64 bas múıizdi iri qara satyp alynyp, jumystar júrgizilýde,-deıdi Jýaly aýdanynyń ákimi Narbaı Ergebekov.

Búginde aýdanda aýyl sharýashylyǵy ónimderin qaıta óńdeıtin bes kásiporyn jumys isteýde. Olardyń úsheýi sút, bireýi et ónimin, taǵy bireýi ósimdik maıyn óńdeýge mamandanǵan.

Taǵy bir aıta keterligi, Elbasynyń ústimizdegi jyldyń 30 qańtarda Úkimettiń keńeıtilgen otyrysynda óńirlerde skrınıng ótkizý týraly tapsyrmasy aıasynda aýdandaǵy 49 eldi mekendegi 10 144 aýla zerdelenip, saýalnamalar toltyrylypty. Sonyń nátıjesinde jalpy quny 983 716,2 myń teńge kóleminde 171 joba usynylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir