Baızaq datqa kesenesi batyrlyq pen órshildiktiń belgisine aınaldy

Qazaq dalasynda órshil rýh pen óshpes erlik etken erlerge arnalyp turǵyzylǵan eskertkishter kóp. Alaıda halyq júreginen shynaıy oryn alyp, dastan erligi urpaqtan urpaqqa umytylmaı jetkenderi sanaýly ǵana. Jambyl oblysyndaǵy, Baızaq aýdanyndaǵy Baızaq Datqan Mámbetulynyń kesenesi de ór tulǵa arnalǵan eńseli eskertkish ári «Rýhanı jańǵyrý» baǵdarlamasy aıasynda Qazaqstannyń kıeli jerleri kartasyna jalpyulttyq mańyzǵa ıe nysan retinde alynǵan tarıhı oryn sanalady, dep jazady Qamshy.kz aqparat agenttigi. 

Baızaq Mámbetulynyń esimi halyq jadynda Qoqan handyǵy men Reseı ımperııasyna qarsy ult-azattyq kóterilistiń uıymdastyrýshysy retinde saqtaldy. Alaıda qazaqtyń jerine kóz alartqan olar aqyry degenine jetti. Qazaqtyń bas kóterer azamaty ári el aldynda syıly Baızaq datqany zeńbirek aýzyna matap atyp jiberedi. Aıtýǵa aýyz barmaıtyn bul jaýyzdyqty jasaýǵa Qoqan hany Álimqul buıryq beredi. Dese de budan halyqtyń eńsesi jyǵyla qoımaıdy. Arda azamattyń eki saýsaǵy túsken Talas ózeniniń boıyndaǵy qazirgi Sarykemer aýylynyń mańyna jerleıdi. Keıinnen munda batyrǵa arnalǵan eńseli kesene boı kóterdi.

Bul kúnde Baızaq batyr kesenesi óńirdegi kıeli tarıhı-mádenı eskertkishterdiń biri sanalady. Elbasynyń «Rýhanı jańǵyrý» baǵdarlamalyq maqalasynan týyndaǵan mindetterdi iske asyrý maqsatynda Qazaqstan Respýblıkasy Ulttyq mýzeıiniń janynan qurylǵan «Qasıetti Qazaqstan» ǵylymı-zertteý ortalyǵynyń «Qazaqstannyń jalpyulttyq kıeli oryndary» jobasy 100 nysanynyń tizimine alyndy.

«Batys Eýropa – Batys Qytaı» tranzıttik dálizi boıynda ornalasqan eńseli nysannyń qazirdiń ózinde jergilikti turǵyndar táý etip, týrıster tamashalaıtyn qasıetti ornyn sanalady. Jyl saıyn munda mektep oqýshylary men aýdan jastary aýdan jastary at basyn burady. Jańadan shańyraq kótergen jastardyń da batyr kesenesin táý ete keletin ıgi dástúr qalyptasqan. Osyny eskergen aımaqtyń qaltaly azamattary aýdannyń 80 jyldyq mereıtoıy qarsańynda «Baızaq baba» kesenesine baratyn jol salýǵa, keshen aýmaǵyna sý tartyp, kógaldandyrý jumystaryna demeýshilik jasady. Sonymen qatar, kesene mańy jaryqtandyrylyp jáne aınalasy qorshaý jumystary júrgizildi.

Qazaq táýelsizdigi jolynda qurban bolǵan Baızaq datqa Mámbetulyn halyq jadynda qaldyrý maqsatynda 1995 jyldyń 20 jeltoqsanynda Qazaqstan Respýblıkasy Jarlyǵymen Jambyl oblysyndaǵy Sverdlov aýdanyna Baızaq datqanyń aty berildi.