• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:08:52
Qazaqstan Ýkraınanyń saýda naryǵyna alańdaýly

13 Qazan, 2019 Aımaqtar

Medısınalyq anyqtamalarǵa QR-kod engizilýde

Qoǵam ómiriniń barlyq salasyna dendep engen sıfrlandyrý óńirdiń densaýlyq saqtaý salasyna da tyń serpin berýde. Sıfrlandyrý isi oblystaǵy emhanalardyń kezekke turý ýaqyty men qaǵazbastylyqty azaıtýda kádege jarap jatyr. Sondaı-aq bul úrdis azamattardyń emhanalardan alatyn qyzmet túrlerin ýaqytyn joǵaltpaı ony elektrondy rejımde alýǵa múmkindik syılap otyr, dep jazady Qamshy.kz aqparat agenttigi. 

Aǵymdaǵy jyldyń naýryz aıynan bastap oblystaǵy emhanalarǵa engizilgen «Damu Med» keshendi medısınalyq aqparattyq júıesi 086-Ý nysanyndaǵy anyqtamasy men eńbekke jaramsyz paraqtaryna QR-code engizý arqyly onyń túpnusqalyǵyn tekserý fýnksııasymen tolyqty.

Kúni búginge deıin QR-kod engizilgen 086-Ý nysanyndaǵy 48 anyqtama men 9180 dana eńbekke jaramsyz paraǵy berilgen. Sáıkesinshe búginde oblys turǵyndaryna dárigerlerdiń emdeý qorytyndysyn QR-kod engizilgen paraqpen alady. О́z kezeginde bul júıe oblys emhanalarynda jeńil jolmen satylyp kelgen medısınalyq anyqtamalar men eńbekke jaramsyz paraǵyn berý faktilerin birshama azaıtý maqsatynda jasalyp otyr. Aldaǵy ýaqytta medısınalyq qyzmettiń elektrondy bazasy sanalatyn «Damu Med» keshendi medısınalyq aqparattyq júıesine oblystaǵy iri dárihanalardy da tirkeý josparlanyp otyr. Sol arqyly dárihanalar emdeý mekemelerimen usynylatyn tegin reseptterdi «Damu Med» mobıldik qosymshasyna naýqastyń JSN nómirin tirkeý arqyly alý múmkindigine qol jetkizbek. Bul amal da tegin dárilik reseptterdi qoldan jasaý faktileri men saladaǵy sybaılas jemqorlyqty azaıtýǵa baǵyttalyp otyr.

Jalpy oblystaǵy densaýlyq saqtaý uıymdaryndaǵy jemqorlyq faktilerin azaıtý, boldyrmaý quzyrly memlekettik organdardyń jiti nazarynda. Bul jumys atalmysh qurylym qyzmetkerleri bas dáriger qyzmetinde 10 jyldan kóp ýaqyt otyrǵan bas dárigerlerdi kezeń-kezeńimen aýystyrý arqyly da júzege asyrylmaq. Emdelýshiler men olardyń týǵan týystary arasynda anonımdi saýalnama da júrgizilýde.

Osyndaı saýalnama nátıjesinde Merki, T.Rysqulov, Talas, Moıynqum aýdandyq aýrýhanalarynda narkologııalyq jáne psıhonevrologııalyq anyqtamalar berý úshin aqyly qyzmet kórsetkeni málim boldy. Al Baızaq, Qordaı, T.Rysqulov, Merke aýdandyq ortalyq aýrýhanalarynda jáne Taraz qalalyq №5 emhanada №086 nysandaǵy medısınalyq anyqtamasyn saýdalaý faktisi tirkelgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir