• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:57:35
Qazaqstan Ýkraınanyń saýda naryǵyna alańdaýly

13 Qazan, 2019 Aımaqtar

Ozyq oıly jastarǵa múmkindik bergen ortalyq

Taraz qalasynda aqparattyq tehnologııa salasy mamandaryn daıarlaý, joǵary tehnologııalyq jobalardy qurý maqsatynda «Taraz HUB» aqparattyq tehnologııalar ortalyǵy jumys jasaýda, dep jazady Qamshy.kz aqparat agenttigi. 

Bul ortalyqtyń taǵy bir ereksheligi munda aqparattyq tehnologııa salasynda qyzmet etetin birqatar jambyldyq kompanııalar shoǵyrlanǵan.

––Bul elimizdegi Nur-Sultan qalasyndaǵy «Astana HUB» aqparattyq tehnologııa ortalyǵynan keıingi ekinshi qurylym. Bul ortalyq arqyly dál osy salaǵa beıimdelgen kommersııalyq uıymdar tek óz múmkindikterin eseleýmen aınalysady. Olardyń qujattaryn retteý, ákimshilik esep qısaptaryn júrgizý tolyǵymen ortalyq ákimshiliginiń enshisinde,–deıdi ortalyq dırektory Nursultan Temirhanov.

Osyndaı toptyń biri «Enactus Dulaty» komandasy. Jaqynda ǵana AQSh jerindegi jańa tehnologııalar baǵytynda ótken dúnıejúzilik birinshilikte el namysyn abyroımen qorǵaǵan bilgir jastar munda «Warm Box», «Water Energy» jobalaryn jetildirýmen aınalysyp jatyr. Jobanyń negizgi maqsta aýyl sharýashylyǵy jáne aǵash óńdeýshi kásiporyndardyń qaldyǵynan tas kómirdi almastyrýshy otyn túrin óndiriske engizý bolyp tabylady. Top músheleri otynnyń osy bir túri arqyly oblystaǵy eldi mekenderiniń qatty otynǵa suranysyn tolyq óteýge bolatyndyǵyna nazar aýdarady.

– Orta eseppen jylytý maýsymynda aýyldardaǵy úılerdi 4-5 tonna kómir jumsalady. Bul aýyl turǵyndary úshin óte úlken shyǵyn. Biz óz jobamyz arqyly bul shyǵyndy 8 esege azaıtýǵa múmkindik berip otyrmyz. Sondaı-aq bizdiń komanda tozyǵy jetken mashınalarǵa aýa súzgisin ornatý, balamaly energııa kózderin oılap tabý boıynsha da jobalar daıyndap jatyr. Eń áýeli joǵaryda atalǵan jobany tabys kózine aınaldyrý arqyly birte-birte basqa jobalarymyz júzege asyrýǵa kóshemiz., –deıdi top jetekshisi Kárimjan Súleımenov.

«Taraz HUB» aqparattyq tehnologııalar ortalyǵynyń jetekshisi aıtýynsha bul mekeme jas ári ozyq oıly kásipkerlerdi qoldaýda tek keńse bólmelerin arzan baǵada jalǵa berip qana qoımaıdy. Ortalyqtyń uıytqy bolýymen kompıýterlik baǵdarlamaýshylar arasynda «hakaton» dep atalatyn saıystar ótkizilmek. Baıqaý jeńimpazdaryna arnaıy granttar da taǵaıyndalady. Bul granttardy jas kásipkerler ózderiniń bıznes-ıdeıalaryn iske asyrýǵa jumsaıdy.

Al ortalyqtyń fab-zerthanasy óńir mektepterindegi robototehnıka kabınetterimen tyǵyz baılanysta jumys jasap jatyr. Sonymen qatar munda robototehnıkadan dáris oqıtyn ustazdar da biliktiligin jetildirmek.

Qazir munda 30-ǵa jýyq startap-kompanııa jumys jasaýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir