• USD 468.56

  • EUR 497.56

  • RUB 7.3

  • CNY 67.18

28 Naýryz, 21:54:22
Almaty
+35°

Arys qalasyndaǵy jaǵdaı talaıǵa sabaq bolǵany daýsyz. Bir kúnde búkil buqara úılerin tastap, bas saýǵalap ketti. Árıne apat aıtyp kelmeıtini belgili. Dese de Memleket basshysy Qasym-Jomart Toqaev halyqqa arnaǵan Joldaýynda qandaı tótenshe jaǵdaı bolmasyn oǵan saqadaı saı daıyn bolý qajettigin basa aıtty. Mundaǵy eń basty maqsat – turǵyndardyń qaýipsizdigi men ómiri. Osy oraıda Jambyl oblysynda qara halyqtyń qaýipsizdligi úshin barlyq jaǵdaı jasalýda, dep jazady Qamshy.kz aqparat agenttigi. 

Oblysymyzdyń egjeı-tegjeıli seısmıkalyq aýdandastyrý kartalarynyń jıyntyǵyn ázirleý jáne Taraz, Jańatas, Qarataý, Shý qalalaryna seısmıkalyq shaǵynaýdandaý kartalarynyń jıyntyǵy daıyndalǵan. Jambyl oblysynyń seısmoturaqtylyǵy 7 baldy quraıdy. Oblys boıynsha seısmoqaýiptiligi joǵary aımaqtardy Taraz, Jańatas, Qarataý, Shý qalalary jáne T. Rysqulov, Jýaly, Baızaq, Qordaı, Jambyl, Merki, Talas, Shý aýdandaryn qamtıdy. 2018-2020 jyldarǵa arnalǵan «Qazaqstan Respýblıkasynyń seısmıkalyq qaýipsizdigin arttyrý boıynsha sharalar kesheni» jol kartasynyń Jambyl oblysy boıynsha is-sharalar Josparyna sáıkes, áleýmettik, turǵyn úı jáne kommersııalyq baǵyttaǵy seısmıkalyq tekserýdi qajet etetin nysandardy anyqtaý maqsatynda 2018 jyldyń 12 qazanynda jumys toby quramy bekitildi, pasporttaýǵa jatatyn obektilerdiń tizimi qalyptastyrylyp, obektilerdi syrttaı (vızýaldy) qarap, tehnıkalyq jaǵdaıyn, seısmıkalyq tózimdiligin zerdeleý nátıjesinde 140 nysan anyqtaldy. Qazirgi ýaqytta, oblys boıynsha 26 nysanǵa (Baızaq – 4 nysan (kúsheıtý), Jýaly – 3 nysan(buzý), T.Rysqulov -1 nysan (buzý), 1 nysan (kúsheıtý), Talas – 2 nysan (kúsheıtý), Sarysý -6 nysan (5 kúsheıtý), (1 buzý), Merki – 3 nysan (1 kúsheıtý), (2 buzý) Shý – 2 nysan(kúsheıtý), - 4 nysan(buzý)) seısmıkalyq qorytyndy alyndy, onyń ishinde, jalpy buzýdy qajet etetin nysandar sany – 11, seısmokúsheıtýge jatatyn nysandar sany – 15.Úsh nysannyń seımokúsheıtý úshin jobalyq-smetalyq qujattary ázirlendi.

Beti aýlaq alaıda alda-jalda bir tótenshe jaǵdaı oryn alyp qalyp jatsa, eń birinshi úılerdiń osy seısmoturaqtylyǵyna kúsh túsetini belgili. Sondyqtan Jambyl oblysynda jasalyp jatqan mundaı zerdeleý men naqtylaý jumystary ózge óńirlerge de úlgi bolarlyq. Sebebi bizdiń basty qazynymyz – adam ómiri.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir