• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:36:11
Qazaqstan Ýkraınanyń saýda naryǵyna alańdaýly

11 Qazan, 2019 Aımaqtar

Qurylysta qyraǵylyq pen dáldik qajet

Memlekettik qala qurylysy kadastryn qurýdyń ózindik mańyzdylyǵy bar. Sebebi árbir nárseniń naqty aıqyndaýyshy bar sekildi, qurylystyń da kadastyrlyq nómiri bolǵany abzal. Bul rettik pen tııanaqtylyq, sondaı-aq qaı jerde qurylys júrip jatqanyn, al qaı mań bos jatqanyn dáldep beredi. Bul jumystardy jambyldyqtar uqypty atqarýda, dep jazady Qamshy.kz aqparat agenttigi. 

Oblys aýmaǵynda qala qurylysy kadastryn qurý jáne ózektendirý máselesi aıasynda 22.10.2018 jyly Jambyl oblysy ákimdigi jáne «Respýblıkalyq memlekettik qala qurylysyn josparlaý jáne kadastr ortalyǵy» RMK arasynda ózara árekekttestik memorandýmy jasalyp, 2019-2021 jyldarǵa Taraz, Shý qalalarynyń jáne 10 aýdan ortalyǵynyń ınjenerlik kommýnıkasııalar júıesin túgendeý jumystaryn júrgizý boıynsha is-sharalar Jospary bekitilgen. Búgingi kúnge is-shara Josparyna sáıkes jumystardy «Memqalaqurylyskadastry» RMK-nyń Jambyl fılıaly atqarýda.

Taraz qalasynyń jalpy aýmaǵy 18 787 gektar, onyń ishinde qurylys salynǵan aýmaq 13 765 gektardy quraıdy.

Taraz qalasynyń 2011-2017 jyldar aralyǵynda 4956 gektar aýmaǵyna ınjenerlik-geodezııalyq izdenister júrgizilgen bolatyn. 2018 jyly Taraz qalasynyń 2391 gektar aýmaǵyna túgendeý jumystary júrgizildi. 2018 jyldyń nátıjesi boıynsha túgendeý júrgizilgen aýmaqtyń úlesi 53,4 paıyz.

2019 jyly qalanyń 3085 gektar aýmaǵyna túgendeý jumystary júrgizilýde. 2020 jylǵa jospar boıynsha Taraz qalasynyń qalǵan 3333 gektar aýmaǵyna túgendeý jumystaryn júrgizý josparlanǵan. Aýdan ortalyqtary boıynsha 2018 jyly 2 aýdan ortalyǵyna (Asa, Qordaı eldi mekeni) jergilikti bıýdjetten qarastyrylǵan qarajatqa 1014 ga aýmaqqa túgendeý jumystary júrgizildi. 2019 jyly 7 aýdan ortalyǵy (Qordaı, Merke, Moıynqum, Tóle bı, Qulan, Sarykemer, Baýyrjan Momyshuly aýyldary), Jańatas jáne Shý qalalarynyń barlyǵy 4809 gektar aýmaǵyna túgendeý jumystary júrgizilýde.

2020 jylǵy osy eldi mekenderdiń qalǵan 4515 gektar aýmaǵyna túgendeý jumystaryn júrgizý josparlanǵan. Nátıjesinde 2020 jylǵa Taraz, Shý qalasy men aýdan ortalyqtarynyń aýmaǵyndaǵy ınjenerlik jelilerdi túgendeý jumystary tolyǵymen aıaqtalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir