• USD 468.56

  • EUR 497.56

  • RUB 7.3

  • CNY 67.18

29 Naýryz, 15:05:13
Almaty
+35°

Jambyl oblysy Shý aýdanynda búgingi tańǵa 24 aýyldyq, 6 qalalyq poshta baılanys toraby jáne Bóltirik, Eńbekshi, Jıenbet aýyldaryndaǵy poshta pýnktteri jergilikti halyqtyń ıgiligi jolynda laıyqty qyzmet kórsetip keledi. Sońǵy jyldary jańa tehnologııalar kúnnen-kúnge qaryshtap damyp, elimiz sıfrlyq júıege kóshýine oraı, poshta qyzmeti de zamanaýı qosymsha qyzmettermen tolyǵý ústinde, dep jazady Qamshy.kz aqparat agenttigi.  Negizi sońǵy jyldary jergilikti poshta qyzmetinde oryn alǵan jańashyldyqtar az emes. Mysaly, jýyrda aýdandyq poshta baılanys torabyna ár óńirden kelgen sálemdemelerdi Postamad arqyly ıelerine jetkizý jolǵa qoıylmaq. Ol úshin áýeli sálemdemeni alýshy adamnyń uıaly telefonyna sálemdemeni jibergen fırmadan nemese basqa da orynnan onyń atyna sálemdeme kelgendigi týraly habarlama túsedi. Bir artyqshylyǵy, habarlama arqyly senbi-jeksenbige qaramaı, sálemdemeni alýshy kez kelgen ýaqytta, kezeksiz ári ózine-ózi qyzmet kórsete otyryp, Postamad ornalasqan kez kelgen dúken nemese saýda oryndarynan zatyn ala alady. Postamadtyń arnaıy jáshikteri bar. Sálemdeme sol jáshikte saqtalady. Anarhan Taıbaǵarqyzynyń aıtýynsha, mundaı postamad oblys aýmaǵyndaǵy aýdandar boıynsha Shý jáne kórshiles Qordaı aýdanynda bar eken. Shý aýdanynda mundaı qyzmet kórsetý jabdyǵy bir ǵana Tóle bı aýylyndaǵy «Dıas» dúkeniniń ishinde ornalasqan. Atalmysh eki aýdanda jýyrda ǵana jolǵa qoıylǵan Postamad qyzmetin bastapqyda Astana, Almaty, Taraz qalalarynan kelgen arnaıy mamandar iske qosyp berse, ári qaraı jumys jasaý jolyn jergilikti baǵdarlamashy mamandar rettep otyratyn bolady.

Jańashyldyqtyń taǵy biri – «E-kom» kartochkasynyń qoldanysqa engizilýi. Shamamen osydan úsh-tórt aı buryn qolǵa berile bastaǵan bul kartochkamen de «Kaspıı gold» kartochkasy syndy túrli tólemderdi júzege asyrýǵa bolady.Tólemderdiń bir paıyzy kartochka ıesiniń óz esepshotyna túsip otyrady. Ol úshin áýeli ár azamat jergilikti poshtaǵa kelip, óz atynan ótinish jazady, munan keıin úsh-tórt kún ishinde kartochkasyn qolyna alady.

Taǵy bir aıta ketetin jáıt, «Eýrazııa», «Alfa bank», «Hoým kredıt», «ATF» jáne «Azııa» bankterinen poshta arqyly nesıe rásimdeýge jáne «Hoým kredıt», «Turǵyn úı qurylys jınaq» bankterinen depozıt ashýǵa bolady. Sondaı-aq, Alǵa, Kóktóbe, Qonaev, Belbasar aýyldarynyń ózinde poshta qyzmetkerleri arqyly nesıe rásimdeý búgingi tańda júzege asyrylýda. Sonymen qatar, zeınetaqy qory boıynsha málimetterdi anyqtaý da poshta qyzmetine engizilgen.

Munyń barlyǵy jańashyldyqty jatsynbaı, aýdannyń áleýmettik-ekonomıkalyq damýyna, onyń ishinde poshta qyzmetiniń jetilýine qomaqty úlesin qosyp júrgen aýdandyq poshta baılanys toraby ujymynyń eren eńbeginiń jarqyn jemisi deýge bolady. Sol sebepten, poshta ujymynyń qyzmeti keleshekte de tolaǵaı tabystarǵa toly bolsyn demekpiz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir