Jeke turǵyn úı soǵýǵa jasalǵan mol múmkindik

Keıingi onjyldyqta elimizde jeke turǵyn úı qurylysy erekshe qarqyn alǵany belgili. «Nurly jol», «Nurly jer», «Baqytty otbasy» syndy baǵdarlamalar bul baǵyttaǵy jumystarǵa jan úrlegeni taǵy belgili. Osy oraıda Jambyl oblysynda Ijeke turǵyn úı qurylysy úshin beriletin jer telimderi de júıeli tapsyrylýda, dep jazady Qamshy.kz aqparat agenttigi. 

Oblys boıynsha búgingi tańda jeke turǵyn úı qurylysy úshin beriletin jer telimderine Taraz qalasy men aýdandar ákimdikterinde 115 859 (01.10.2019 jylǵy jaǵdaıǵa) azamat kezekke tirkelgen.

2019 jyldyń 1 qazandaǵy málimetke saı oblys boıynsha jeke turǵyn úı qurylysy úshin kezekte turǵan azamattarǵa 2005-2019 jyldary aralyǵynda 31 755 jer telimderi berilgen, onyń ishinde 2019 jyly 1125 jer telimi.

Oblys boıynsha bekitilgen bas jospar jáne ońaılatylǵan syzba negizinde jeke turǵyn úı qurylysyna 81 turǵyn alqap (Taraz qalasy -7, Baızaq-16, Jambyl -12, Jýaly -10, Qordaı -12, Merki -14, T.Rysqulov -4, Shý -6 ) qarastyryldy.

Oblys ákimdiginiń jer qatynastary basqarmasynan jınaqtalǵan málimetke sáıkes, oblys kóleminde jeke turǵyn úı qurylysyn júrgizý úshin ázirlengen alqaptarǵa taldaý júrgizilip, eldi mekenderdegi alqaptardyń jaǵdaıyna qaraı úsh topqa bólý qarastyryldy.

1 top. Alqaptarǵa qajetti ınjenerlik ınfraqurylymdarmen qamtylǵan alqaptar. Búgingi kúnge halyqqa berilýge ázir 3073 jer ýchaskesi belgilendi. Endigi kezekte kezektegi azamattarǵa tabystalady.

2 top. QR Jer kodeksiniń talaptaryna sáıkes sý júıesimen ortalyqtandyrylmaǵan eldimekenderge tek elektr jelisin tartý arqyly 3722 jer ýchaskesin taratýǵa jatady.

3 top. Injenerlik ınfraqurylymdardy júrgizýdi jáne jer ýchaskesin memleket muqtajyna alý arqyly 29547 jer ýchaskesin (kólemi 6143 ga) taratýǵa jatady.

Eldi mekenderdiń bas josparlaryna sáıkes anyqtalǵan 81 alqapqa qosymsha, jeke turǵyn úı qurylysyna bólýge bolatyn alqaptardy, ınjenerlik ınfraqurylymdarmen qamtylǵan eldi mekender ishinen (aınalasynan) 169 bos jer ýchaskeleri anyqtaldy. Atalǵan jer ýchaskeleri kezektegi azamattarǵa 2019 jyldyń sońyna deıin taratylatyn bolady. Osylaısha jambyldyqtar jeke turǵyn úı soǵýǵa mol múmkindik alyp otyr.