Bas jospar – ońtaılanýdyń bastaýy

Eldi mekenderdiń bas josparyn belgileý memlekettik saıasattyń basym baǵyty. Bul bastama elimizde Táýelsizdik tańy atqannan beri qolǵa alynyp, jylda pysyqtalýda. Jambyl oblysy da bul úrdisten aınymaı, aýdandar men qalalardyń bas josparyn bekitip, bolashaqtyń maqsatty mindetin aıqyndaýda, dep jazady Qamshy.kz aqparat agenttigi.  Jalpy Jambyl oblysynda barlyǵy 377 eldi meken bar. Onyń ishinde 4-i qala. Turǵyndarynyń sany 5 myńnan asatyn eldi mekender oblystyq jáne aýdandyq mańyzy bar qalalardy qosa eseptegende 32 (halyq sany 5 myńǵa deıingiler – 345). Búgingi kúnge 362 eldi meken bas josparmen jáne ońaılandyrylǵan nusqasymen qamtylǵan (o.i. 32 - bas josparmen, 330 – ońtaılandyrylǵan nusqasy). Esepti kezeńde, ıaǵnı 2016-2019 jyldary 35 eldi mekenniń bas jospary men ońtaılandyrylǵan nusqasy bekitildi.

Halyq sany 50-ge jýyq, bas jospardyń ońaılandyrylǵan nusqasy ázirlenbegen 15 eldi meken bar. Osylardyń ishinde 8 eldi meken boıynsha ońtaılandyrý jumystary júrgizilýde. Iаǵnı, Moıynqum aýdanynda 4 eldi meken halyqtyń turmaýyna baılanysty taratylady, T.Rysqulov, Sarysý, Shý aýdandary boıynsha 4 eldi meken jaqyn ornalasqan aýyldarǵa qosylatyn bolady. -Moıynqum aýdany (Kishi-Qamqaly, Baıtal, GRE-21, Aral) eldi mekenderin aýdannyń eldi mekender esebinen shyǵarý týraly aýdan ákimdiginiń qaýlysy máslıhattyń birlesken 24.12.2018j № 35-9 sheshimi qabyldanyp, búgingi kúnge oblys ákimdigi men oblystyq máslıhattyń birlesken sheshimdiriniń qaýly jobasy ázirlenip, bekitilip, Jambyl oblysy boıynsha Statıstıka departamentine usynyldy; -Sarysý aýdany Talas aýylyn О́ndiris aýylynyń quramyna qosý arqyly qonys sanatyna aýystyrý jáne Jarqudyq aýylyn Jańatalap aýylynyń quramyna engizý týraly ákimshilik-aýmaqtyq qurylysyn ózgertý týraly aýdan ákimdiginiń qaýlysy máslıhattyń birlesken 26.11.2018j № 40-11 sheshim qabyldandy; -T.Rysqulov aýdany Razezd-98 aýylyn Aqbulaq aýyldyq okrýgi R.Sabdenov aýylynyń quramyna qosý arqyly qonys sanatyna aýystyrý týraly aýdan ákimdiginiń qaýlysy máslıhattyń birlesken 21.12.2018j № 34-18 sheshim qabyldandy; - Shý aýdany Bóltirik aýylyn Aqtasty eldi mekenine qosý týraly birlesken Shý aýdany ákimdiginiń qaýlysy men Shý aýdandyq máslıhattyń 25.12.2018j №39-4 sheshim qabyldandy.

Mine osylaısha aıqyndalǵan bas jospardyń arqasynda eldi mekender biriktirilip, tirligi ońtaılandyrylýda.