• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:19:31
Qazaqstan Ýkraınanyń saýda naryǵyna alańdaýly

15 Qazan, 2019 NEWS

Kýrstasy syr aqtardy: Toqaev qandaı stýdent bolǵan?

Qazaqstan prezıdenti Qasym-Jomart Toqaevtyń kýrstasy, reseılik dıplomat Sergeı Garmonın MMHQI túlekteri bir-birin eshqashan umytpaıtynyn jáne álemniń kez kelgen elinde kezdesetinin aıtty dep jazady Qamshy.kz aqparat agenttigi.

Reseıdiń Shveısarııadaǵy tótenshe jáne ókiletti elshisi Sergeı Garmonın Sputnik Qazaqstanǵa bergen suhbatynda Máskeý memlekettik halyqaralyq qatynastar ınstıtýtynda (MMHQI) Qazaqstannyń bolashaq basshysymen birge ótkizgen jyldaryn eske túsirdi.

"Bes jyl boıy biz MMHQI -de bir kýrsta oqydyq. Jomart, biz ony solaı ataıtynbyz, ol jetinshi akademııalyq topta oqydy – olarda qytaı, koreı jáne vetnam tili boldy, al men segizinshi topta boldym  – biz bırma, japon jáne ýrdý tilin oqydyq. Biz "shyǵystyqpyz", - dedi Sergeı Garmonın Sputnik tilshisine.  

Onyń aıtýynsha, qytaı tilin úırený úshin yqylas pen qabilet jetkiliksiz, mýzykalyq estý qabileti de qajet.

"Qytaı tili – eń qıyn tilderdiń biri. Kóptegen ıeroglıfti jattap alý óz aldyna, bul úndestik til bolǵandyqtan qandaı da bir sóz dybystalýyna baılanysty maǵynasyn ózgertedi. Qasym-Jomarttyń este saqtaý qabileti ǵana emes, sonymen qatar mýzykalyq estý qabileti de jaqsy bolsa kerek", - dedi Sergeı Garmonın.

Reseılik dıplomat Toqaevpen birge ınstıtýtta oqyp qana qoımaı, sonymen birge bir jataqhanada turdy. Ekeýi de basqa qaladan kelgen.

Dıplomattyń aıtýynsha, bul jataqhana áli de sol jerde tur. Ol jataqhanadaǵy ómirdiń sanada kómeskilene túskenin aıtady, biraq ortaq as úıde vetnamdyq stýdentter pisirgen qýyrylǵan maıshabaqtyń hosh ıisin umytý múmkin emes.   

"Biz qarapaıym ómir súrdik, keremet eshteńe bolǵan joq. Barlyq stýdent pen jataqhana birdeı dep oılaımyn", - dep jymıdy Garmonın.

Ol demalýǵa kóp ýaqyt bolmaǵanyn aıtady – stýdentter kóp ýaqytyn oqý zalynda, lıngafon kabınetterinde ótkizetin. Jalpy pánderden bólek, kóp ýaqytty tilderge arnaýǵa týra kelgen.

Garmonın ózin Qasym-Jomart Toqaevtyń jaqyn dosymyn deı almaıdy, biraq jaqsy tanys. Aıtýynsha, eger olar qurylys jasaqtaryna birge barǵanda, dos bolyp ketýshi edi. Sergeı Garmonın Sahalınde eki ret boldy, kýrstastarynyń keıbiri Iаkýtskte, Shıkotanda jumys istedi. Biraq qurylys jasaqtarynyń arasynda Toqaevtyń bolǵany esinde joq.

"Qasym-Jomart úıine asyqqan bolsa kerek – óıtkeni ol uzaq ýaqyt boıy otbasy men dostarynan jyraqta boldy, ol Qazaqstanǵa barý úshin kez kelgen múmkindikti jibermeýge tyrysty", - deıdi Sergeı Garmonın.

Garmonın men Toqaev MMHQI-di 1975 jyly bitirdi, biraq olardyń joldary únemi túıisip otyrdy – ekeýi de karerasyn dıplomatııalyq qyzmette bastady. Sergeı Garmonın men Qasym-Jomart Toqaev KSRO syrtqy ister mınıstrligi arqyly issaparǵa jiberildi.

"Umytpasam, Qasym-Jomart aldymen Sıngapýrǵa, sodan keıin Qytaıǵa jiberildi. Aıtpaqshy, ol Qytaıda ýnıversıtette tildik taǵylymdamadan ótti. Al bizde tildi óte jaqsy biletinderge ǵana tildik taǵylymdamaǵa joldama beretin", - dep atap ótti dıplomat.

Kýrstastar Keńes Odaǵy ydyraǵannan keıin birneshe ret kezdesti, bul Toqaev Qazaqstanǵa oralyp, memlekettik qyzmetke aýysqan kez.

"Keıinirek Toqaev ekeýmiz ártúrli elderde kezdestik. Men Reseıdiń Nıý-Iorktegi bas konsýly bolyp jumys istegen kezimde Qasym-Jomart parlamenttiń joǵarǵy palatasynyń basshysy boldy, biz ótkizgen MMHQI túlekteriniń jeke kezdesýine keldi", - dep eske aldy Sergeı Garmonın.

Ol kezdesýdiń Bas konsýldyqta bolǵanyn túsindirdi – sol kezde Nıý-Iorkte bolǵan nemese sol jerde jumys isteıtinderdiń bári shaqyryldy. Dál sol sátte Toqaev BUU Bas assambleıasynyń sessııasyna Nıý-Iorkke ushyp kelip, shaqyrýdy qýana qabyldaǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir