• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:35:59
Qazaqstan Ýkraınanyń saýda naryǵyna alańdaýly

15 Qazan, 2019 NEWS

Ázerbaıjan prezıdenti Elbasyna alǵys bildirdi

Nursultan Nazarbaev Ázerbaıjan Respýblıkasynyń prezıdenti Ilham Álıevpen kezdesti dep habarlaıdy Qamshy.kz aqparat agenttigi QR Tuńǵysh Prezıdenti - Elbasynyń baspasóz qyzmetine silteme jasap. 

Kezdesý barysynda Elbasy eki el qatynastarynyń damýyndaǵy oń dınamıkany atap ótti.

– Bul meniń Qazaqstannyń Tuńǵysh Prezıdenti mártebesinde sizderge alǵash kelýim. Elimizde ekonomıkalyq damý baǵdarlamalaryn júzege asyrý jáne táýelsizdikti nyǵaıtý jumystary jalǵasýda. Bizdiń qarym-qatynasymyz qarqyndy damyp jatyr. Qazir bizde yntymaqtastyqty keńeıtý úshin biraz múmkindik bar. Saýda kólemin arttyrý mańyzdy. Biz tıisti logıstıkany qurdyq. Erteń Túrki keńesiniń otyrysy ótedi. Men Qurmetti Tóraǵa mártebesin qýana qabyldadym, óıtkeni memleketterimizdiń arasyndaǵy yntymaqtastyqty nyǵaıtýǵa úles qosýdy jalǵastyrǵym keledi, – dedi Nursultan Nazarbaev.

О́z kezeginde Ilham Álıev Elbasyna Túrki keńesiniń otyrysyna kelgeni úshin alǵys bildirdi jáne onyń ekijaqty qatynastardy nyǵaıtýǵa qosqan úlesin atap ótti.

–  Qazaqstannyń Tuńǵysh Prezıdentin Ázerbaıjan jerinde qarsy alý biz úshin zor mártebe. Siz Ázerbaıjannyń úlken dosysyz. Kóptegen halyqaralyq máseleler boıynsha árqashan bizdiń elimizdi qoldadyńyz. Sizdiń túrki tildes elder arasyndaǵy yntymaqtastyqty nyǵaıtýdaǵy úlesińiz orasan. Mereıtoılyq sammıttiń Bakýde ótip jatqanyna biz óte qýanyshtymyz, – dedi Ázerbaıjan Respýblıkasynyń Prezıdenti.

Sonymen qatar, Ilham Álıev Qazaqstan astanasynyń salynýy Baký qalasynyń damýyna úlgi bolǵanyn aıtty.

– Men Qazaqstan astanasynyń tez ózgergenin baıqadym. EKSPO kórmesin tamashalaǵan kezde qurylystyń aýqymy men sáýlettik sheberligine rıza boldym. Qazaqstannyń barlyq jetistikteri Sizdiń atyńyzben baılanysty, – dedi Ázerbaıjan Respýblıkasynyń Prezıdenti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir