• USD 468.56

  • EUR 497.56

  • RUB 7.3

  • CNY 67.18

28 Naýryz, 15:41:49
Almaty
+35°

Jemqorlyq jasaǵany úshin sottalyp, merziminen buryn bostandyqqa shyqqan 7 joǵary laýazymdy basshylar tizimin Spýtnık saıtyna siltime jasap Qamshy.kz aqparat agenttigi usynady.

1. Erjan О́tembaev – Qazaqstan parlamentiniń senat apparatynyń burynǵy jetekshisi. E.О́tembaev 2006 jyly 20 jylǵa sottalǵan bolatyn. Sot ony saıasatker Altynbek Sársenbaev pen onyń eki kómekshisin óltirýge tapsyrys berýshi dep tanydy. Alaıda 2013 jyldyń jeltoqsanynda Bas prokýratýra saıasatkerdi óltirý týraly tapsyrysty oryndaǵan Rýstam Ibragımovtyń naǵyz tapsyrys berýshilerdiń kim ekenin aıtqanyn málimdedi. 2014 jyldyń qańtarynda bul qylmystyq is boıynsha sot qaıta bastaldy. Nátıjesinde Almaty oblysynyń qylmystyq ister jónindegi mamandandyrylǵan aýdanaralyq soty 59 jastaǵy Erjan О́tembaevtyń jazasyn 20 jyldan 13 jylǵa qysqartý týraly úkim shyǵardy. Osylaısha, ol merziminen buryn bosatylýǵa ótinish berýge múmkindik aldy. Keıin onyń ótinishi qanaǵattandyryldy. Burynǵy senat apparatynyń jetekshisi 4 jyl 2 aı 29 kúnge erte merziminen buryn shartty túrde bosatyldy. Al 2018 jyldyń 24 maýsymynda 62 jastaǵy Erjan О́tembaev qaıtys boldy.

2. Jaqsybek Kúlekeev – 30 jylǵa jýyq memlekettik qyzmet atqardy. Túrli jyldary ekonomıka jáne saýda mınıstri, bilim jáne ǵylym mınıstri, "Qazaqstan temir joly" UK" AQ prezıdenti qyzmetterin atqardy. 2008 jyldyń 1-sáýirinde basshy 100 myń dollar para aldy degen kúdikpen qamaýǵa alyndy. Al 2008 jyldyń 13-qarashasynda Astana qalasynyń Saryarqa aýdandyq soty Jaqsybek Kúlekeevke "qyzmet babyn asyra paıdalanǵany úshin" 3 jylǵa bas bostandyǵynan aıyrý týraly úkim shyǵardy. Sot prosesi barysynda "Qazaqstan temir joly" ulttyq kompanııasynyń basshysy 100 myń dollar para aldy degen aıyp dáleldengen joq. Jaqsybek Kúlekeev jazasyn tolyq ótemesten 2009 jyly kúzinde shartty túrde bostandyqqa shyqty. 2010 jyldyń qańtarynda "Qazaq munaı jáne gaz ınstıtýty" kompanııasynyń korporasııalyq damý jónindegi basqarýshy dırektory qyzmetine taǵaıyndaldy.

3. Jaqsylyq Dosqalıev – Tanymal hırýrg. 2001-2004 jáne 2008-2010 jyldary Qazaqstannyń densaýlyq saqtaý mınıstri boldy. 2010 jyldyń qyrkúıeginde basshyǵa qatysty qylmystyq is qozǵaldy. Oǵan qyzmettik babyn asyra paıdalandy, iri mólsherde para aldy degen aıyp taǵyldy. Sol jyldyń 5 tamyzynda qylmystyq ister boıynsha mamandandyrylǵan aýdanaralyq sot burynǵy mınıstrdi 7 jylǵa bas bostandyǵynan aıyrdy. Ol jazasyn qatań rejımdegi kolonııada óteıtin boldy. 2012 jyldyń qańtarynda prezıdent úkimimen Dosqalıevtiń jazasyn óteý merzimi 7 jyldan 2 jylǵa qysqardy. 2012 jyldyń 29 qarashasynda Astana qalasynyń soty Dosqalıevti shartty túrde merziminen buryn bosatý sheshimin shyǵardy. 2012 jyldyń 16 naýryzynda Jaqsylyq Dosqalıev bostandyqqa shyqty. Qazirgi tańda tanymal hırýrg respýblıkalyq transplantasııa ortalyǵynda jumys isteıdi.

4. Serik Baımaǵanbetov – 2009-2011 jyldary Qazaqstannyń Ishki ister mınıstri. 2011-2012 jyldary kedendik baqylaý komıtetiniń tóraǵasy qyzmetterin atqardy.2013 jyly burynǵy mınıstrge qatysty tergeý bastaldy. Oǵan iri kólemde para aldy, qyzmetin asyra paıdalandy degen aıyp taǵyldy. 2013 jyldyń 8 qańtarynda sotta onyń kinási dáleldendi. Sýdıa eks-mınıstrdiń múlkin tárkilep, 10 jylǵa bas bostandyǵynan aıyrý týraly úkim shyǵardy. Ol jazasyn qatań rejımdegi kolonııada óteıtin boldy. 2014 jyldyń qyrkúıeginde Qazaqstan prezıdenti úkimimen Serik Baımaǵanbetov jazasyn 5 jyl ǵana óteıtin boldy. 2015 jyldyń 19 aqpanynda Qaraǵandy qalasy Qazybek bı aýdany sotynyń úkimimen eks-mınıstr shartty túrde merziminen buryn bosatyldy.

5. Baýyrjan Ábdishev – 2013 jyldyń 29 qańtarynda Qaraǵandy oblysy ákimi qyzmetine taǵaıyndaldy. Alaıda 2014 jyldyń maýsym aıynda oblys ákimi laýazymynan bosatyldy. Sol jyldyń 23 qyrkúıeginde eks-basshy óz úıinde ustalyp, Qaraǵandy qalalyq ishki ister basqarmasynyń ýaqytsha ustaý ızolıatoryna qamaldy. Oǵan "Qyzmettik ókilettigin teris paıdalandy" jáne "kásipkerlik qyzmetpen zańsyz aralasty" degen aıyp taǵyldy. Sottyń úkimimen ol 5 jylǵa sottaldy. Ýaqyt óte is qaıta qaralyp, jazasyn óteý merzimi 3 jylǵa qysqardy.Keıin Qaraǵandy qalasy Qazybek bı aýdandyq soty burynǵy óńir basshysyn merziminen buryn bosatý týraly sheshim shyǵardy. Ol túrmede 1 jyl 7  aı 25 kún otyrdy.

6. Serik Ahmetov – 2009-2012 jyldary Qaraǵandy oblysynyń ákimi, 2012-2014 jyldary QR premer-mınıstri, 2014 jyldyń 22-qazanynan – 2 sáýirine QR qorǵanys mınıstri boldy. Sol jyly qyzmetinen ketkennen soń, qarasha aıynda ustaldy.Burynǵy mınıstrge múlikti talan-tarajǵa saldy, zańsyz kásipkerlikpen aınalysty jáne qyzmetin asyra paıdalandy degen aıyp taǵyldy. Bul is boıynsha 100-den asa adam tergeldi, tergeý 4 aıǵa sozyldy. Burynǵy úkimet basshysy kinásin ishinara moıyndap, sottaǵy sońǵy sózinde Qazaqstannyń burynǵy prezıdenti Nursultan Nazarbaevtyń senimin aqtaı almaǵyn úshin odan keshirim surady. Sot prosesine 4 memlekettik aıyptaýshy jáne 42 advokat qatysty. Qylmystyq is 338 tomnan turdy. 2015 jyldyń jeltoqsanynda Qaraǵandy oblystyq soty Serik Ahmetovti 10 jylǵa bas bostandyǵynan aıyrdy, ári múlkin tárkilep, 5 jyl boıy memlekettik qyzmet atqarýyna tyıym saldy. Apellıasııalyq otyrysta basshynyń memleketke keltirildi degen 2,5 mıllıard teńge shyǵyndy ótegendikten, merzimi 8 jylǵa deıin qysqardy. Ol 2 jyl jazasyn Qaraǵandy oblysyndaǵy Qarabas aýylynda AK159/18 kolonııasynda ótedi. Memleketke kelgen shyǵyndy qaıtarýyna jáne raqymshylyqqa iligýine baılanysty jazasynyń 3,5 jyly qysqaryp, qalǵan 4 jyly bostandyǵyn shekteý jazasyna aýysty. Eks-premer 2017 jyldyń 21 qyrkúıeginde túrmeden bosap shyqty. Ol jazasynyń qalǵan bóligin Qaraǵandydaǵy úıinde óteıtin boldy. Zań boıynsha ol 4 jyldaı qaladan shyqpaýy tıis.

7. Qýandyq Bıshimbaev – 2016 jyldyń 6 mamyrdan – 28 jeltoqsanǵa deıin Qazaqstannyń ulttyq ekonomıka mınıstri bolǵan. 2016 jyly Qazaqstannyń burynǵy prezıdenti Nursultan Nazarbaev eks-mınıstr Qýandyq Bıshimbaevqa qatysty tergeý bastalǵanyn málimdedi. 2017 jyldyń qańtar aıynda ol para aldy degen kúdikpen ustaldy. 13 qańtarda tutqyndaldy. Oǵan birneshe márte iri kólemde para aldy, bıýdjet qarajatyn jymqyrǵany degen aıyp taǵyldy. 2018 jyly naýryz aıynda Qýandyq Bıshimbaev 10 jylǵa bas bostandyǵynan aıyryldy. Sot tórt aıdan astam ýaqytqa sozyldy. Bıshimbaevpen birge taǵy 22 adamnyń isi qaraldy. Eks-mınıstr sotta sóılegen sońǵy sózinde Elbasydan senimin aqtaı almaǵany úshin keshirim surap, ózine taǵylǵan aıyptardy moıyndamaǵan bolatyn. Sottyń úkimimen eks-mınıstr memlekettik qyzmette jetekshilik etý quqyǵynan ómir boıyna aıyryldy. Alaıda 2019 jyldyń 11 qazanynda Qýandyq Bıshimbaev merziminen buryn bostandyqqa shyqty. Bul aqparatty Shymkent qalasynyń Abaı aýdandyq soty rastady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir