• USD 468.56

  • EUR 497.56

  • RUB 7.3

  • CNY 67.18

28 Naýryz, 16:29:28
+35°

14 Qazan, 2019 NEWS

Oqytýshylardyń jalaqysy 50 paıyzǵa deıin ósedi

Joǵary oqý oryndary oqytýshylarynyń jalaqysy mekemeniń qarajaty esebinen ósetin bolady.

Bilim jáne ǵylym mınıstri Ashat Aımaǵambetov rektorlarǵa joǵary oqý oryndarynda jumys isteıtin oqytýshylardyń jalaqysyn 30-50 paıyzǵa kóterýdi tapsyrdy. Bul týraly ol óziniń Facebook-tegi paraqshasynda jazdy.

– Memleket basshysy bilim berý sapasyn arttyrý jáne pedagogtardy qoldaý jóninde tapsyrma berdi. Osy tapsyrma aıasynda mınıstrlik memlekettik JOO rektorlaryna oqytýshylardyń eńbekaqysyn 2020 jyldyń 10 qańtaryna deıin 30-dan 50%-ǵa deıin arttyrý mindetin júktedi. Bul sheshimniń naqty negizi bar, –  dep jazdy Aımaǵambetov.

Mınıstrdiń sózinshe, "joǵary oqý oryndarynyń bıýdjetine taldaý jasaldy, sonyń nátıjesinde oqytýshylardyń jalaqysyn kóterý úshin qajetti qor bar ekeni anyqtaldy".

– Búginde birqatar joǵary oqý ornynyń oqytýshylary 60-70 myń teńge kóleminde jalaqy alady. Mundaı saıasatpen bilim sapasyn talap etý múmkin emes. Eýrazııa ulttyq ýnıversıteti, Kaspıı ýnıversıteti men Taraz pedagogıkalyq ýnıversıteti sııaqty joǵary oqý oryndary jalaqyny qazirdiń ózinde kótere bastady. Qalǵan memlekettik JOO meniń tapsyrmamdy mindetti túrde oryndaýy tıis", – dedi Aımaǵambetov.

Budan bólek, mınıstr ǵylymı elıtany qoldaý maqsatynda joǵary oqý oryndarynda jumys isteıtin akademıkterge qosymsha aqy tóleý qajettigin eske saldy. Mınıstrdiń sózinshe, "akademıkterge qosymsha aqy tóleý úshin memlekettik bıýdjetten qosymsha qarajat bólýdiń de qajeti joq".

– Muny qolda bar qarjymen sheshýge bolady. Bolashaqta jas ǵalymdardy qoldaý tetikteri de qarastyrylatyn bolady, – dedi Aımaǵanbetov.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir