• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:53:30
Qazaqstan Ýkraınanyń saýda naryǵyna alańdaýly

13 Qazan, 2019 NEWS

Kók Tóbeniń órt sharpyǵan aımaǵyna Nazarbaev qyzǵaldaqtary men Sıvers almasy otyrǵyzyldy

13 qazanda Jasyl Almaty kógaldandyrý aksııasy aıasynda Kók Tóbe taýynda Sıvers almasynyń kóshetteri men «Qazaqstan», «Nursultan Nazarbaev» sorttarynyń qyzǵaldaqtary otyrǵyzyldy, dep habarlaıdy qalalyq ákimdiktiń baspasóz qyzmeti.

Kógaldandyrý aksııasyna 500-ge jýyq adam qatyssa, onyń 200-ge jýyǵy stýdentter boldy. Barlyǵy 40 myń Sıvers alma aǵashtary men «Qazaqstan», «Nursultan Nazarbaev» suryptaryndaǵy qyzǵaldaqtardyń 500 myń danasy otyrǵyzyldy.

Qalalyq jasyl ekonomıka basqarmasy mamandarynyń aıtýynsha, kóshetterdi otyrǵyzý jumysy arnaıy alańdarda júzege asyrylyp, ár kóshet bir-birinen tórt metr qashyqtyqta ornalastyryldy. Alańdar taýdyń eteginde kaskad boıynsha ornalasqan.

Almaty qalasy ákiminiń orynbasary Erjan Babaqumarov shahar basshysy Baqytjan Saǵyntaevtyń uıytqy bolýymen qolǵa alynǵan Jasyl Almaty kógaldandyrý aksııasynyń mańyzdylyǵyna toqtaldy.

«Aksııa bastalǵannan beri ondaǵan myń aǵashtyń kóshetteri otyrǵyzyldy. Bul – qalanyń jasyl qory tolyǵyp, ekologııalyq jaǵdaıy jaqsaryp, aýasy da birshama tazara túsedi degen sóz», - dedi E. Babaqumarov.

Kók Tóbe taýynyń baýraıy tamyz aıynda bolǵan órtten zardap shekken edi. Búgingi aksııanyń arqasynda botanık Sıverstiń qurmetine atalǵan jabaıy almanyń popýlıasııasy qalpyna keltirilmek. Almanyń bul túri týraly alǵash ret 1793 jyly aıtyldy.

Esterińizde bolsa, buǵan deıin B. Saǵyntaevtyń qatysýymen Mohnatka taýynda Shrenk shyrshasynyń kóshetteri otyrǵyzyldy. Osydan birneshe jyl buryn bul aımaq ta qatty daýyldan zardap shekken edi.

Keshe, 12 qazanda qalanyń 110 mektebinde tórt myńnan astam aǵash túriniń kóshetteri otyrǵyzyldy.

Jalpy, úsh jylǵa josparlanǵan Jasyl Almaty jobasy aıasynda qala boıynsha keminde mıllıon aǵash otyrǵyzý mańyzdylyǵy tur. Bul jumystar eń aldymen, Alataý, Naýryzbaı, Jetisý, Almaly aýdandarynda júrgizilmek. Mamandardyń baǵalaýy boıynsha, qazir Almatyda 2,2 mıllıon aǵash bolsa, onyń 550 myńy aýrý ári apatty jaǵdaıda.

Qalany kógaldandyrýǵa barlyq ekologııalyq ÚEU men azamattyq belsendiler, bıznes ókilderi jáne qalalyqtar tartylýda.

o

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir