Aksııaǵa óńirdegi máslıhat depýtattary, óner qaıratkerleri, blogerler, qoǵam qaıratkerleri, sportsmender men BAQ ókilderi, stýdentter men qala turǵyndary qatysty.
Atalmysh respýblıkalyq aksııa QR ekologııa, geologııa jáne tabıǵı resýrstar mınıstrliginiń qoldaýymen uıymdastyryldy. Basty maqsat – elimizdi kógaldandyrý jumystaryn júrgizý. ShQO-daǵy tabıǵı resýrstar jáne tabıǵatty paıdalaný basqarmasynyń basshysy Murat Qusaınovtyń aıtýynsha, búgin aımaqta 6 myń túp kóshet otyrǵyzyldy.
– Biz orman sharýashylyǵynan 13 túrli aǵashty ákeldik. О́skemendegi Esenberlın dańǵylynda 1100 túp, onyń ishinde qaıyń men qylqan japyraqty aǵashtar bar. Jalpy, kóshetterdi egý jumystary kóktemde bastaldy. Sol kezde 132,8 myń túp otyrǵyzyldy. Taıaýda oblystaǵy barlyq mektepte ekologııalyq saǵattar ótkizildi. Oǵan qatysýshylar 4 myń túp aǵash kóshetin ekti. Aǵymdaǵy jyl sońyna deıin 150 myń túp aǵash kóshetterin otyrǵyzýdy josparlap otyrmyz.
Aıta keteıik, oblys kóleminde senbilikter uıymdastyryldy. Kóshelerde sanıtarlyq tazalyq jumystary júrgizildi.
– Osy aǵashtar ósken kezde qalamyz burynǵydan da kórkeıe túsedi. Biz ózimiz turyp jatqan jerdiń ekologııasyn saqtaýymyz kerek. О́ıtkeni bul bizden basqa eshkimge kerek emes, – dedi "Ekoservıs-S" JShS-niń dırektory Erik Sandybaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir