• USD 468.56

  • EUR 497.56

  • RUB 7.3

  • CNY 67.18

29 Naýryz, 16:20:19
Almaty
+35°

14 Qazan, 2019 NEWS

Nan baǵasy qymbattaıdy

Bıyl dándi daqyldardyń ónimdiligi tómendeýine baılanysty nan baǵasy qymbattaıdy.

 Aýyl sharýashylyǵy mınıstri Saparhan Omarov nan baǵasy azdap ósetinin málimdedi, – dep Qamshy.kz aqparat agenttigi habarlaıdy  Spýtnık saıtyna silteme jasap

"Qazir nan baǵasy óńirge baılanysty 75-78 teńge. Men baǵa bolar-bolmas ósedi dep topshylap otyrmyn. Shamamen 80-82 teńgege deıin", – dedi Omarov úkimette ótken baspasóz máslıhatynda.

Mınıstrlik nan baǵasynyń kúrt ósýine jol bermes úshin Azyq-túlik korporasııasymen birlesip, astyq satyp alýda. Budan bólek, ár oblys ákimdigi turaqtandyrý qorlaryna bıdaı men un satyp alyp, qamdanyp jatyr.

"Jyl saıyn ishki naryqtaǵy baǵany turaqtandyrý úshin, ár jyldyń aqpanynan shildesine deıin Azyq-túlik korporasııasy un tartý kombınattaryna 150 myńnan 250 myń tonnaǵa deıin bıdaı satady. Bıyl nan kúrt qymbattamas úshin biz ishki naryqqa 150 myń tonna astyq ótkizdik", – dedi vedomstvo basshysy.

Aýyl sharýashylyǵy mınıstrliginiń aqparatyna súıensek, respýblıkada 19,1 mıllıon tonna astyq bastyryldy.

Jazdyń ystyq jáne qurǵaq bolýyna baılanysty dándi daqyldardyń ónimdiligi tómendegen. Aptap ystyq pen tolassyz jaýyn-shashyn astyqtyń sapasy men ónimdiligine áser etken.

Úkimet otyrysynda mınıstr bıyl dándi jáne dándi burshaq daqyldarynyń ónimdiligi býnkerlik salmaqta 19 mıllıon tonnany quraýy múmkin ekenin málimdegen edi. Bul 2018 jylǵy ónimmen salystyrǵanda 2 mıllıon tonnaǵa kem.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir