Bıznesti damytý- basty nazarda

Shaǵyn jáne orta kásipkerlik damysa, el ekonomıkasy da eńse tikteıdi. Sondyqtan da Elbasy da, Memleket basshysy da bul baǵyttaǵy sharýalardyń jandandyrýdy nazardan tys qaldyrǵan emes. Sonyń nátıjesinde batyl bastamalar qolǵa alynyp, baıandy baǵdarlamalar qabyldandy. Sondaı qundy qujattyń biri- "Bıznestiń jol kartasy - 2020" bıznesti qoldaýdyń jáne damytýdyń Biryńǵaı baǵdarlamasy.

Búginde atalmysh baǵdarlama Taraz qalasynda da óz deńgeıinde júzege asýda. Mysaly, baǵdarlama aıasynda 2019 jyldyń qańtar-tamyz aılarynda sýbsıdııa tetigi boıynsha 1 mıllıard 241,0 mıllıon teńgege 15 joba jáne kepildendirý tetigi boıynsha – 238,4 mıllıon teńgege 44 joba qarjylandyrylǵan. Budan bólek, Nesıelendirý «Bereke 3» baǵdarlamasy boıynsha esepti kezeńde 721,0 mıllıon teńgege 21 joba jáne nátıjeli jumyspen qamtýdy jáne jappaı kásipkerlikti damytý baǵdarlamasy boıynsha 1 mıllıard 143,3 mıllıon teńgege Taraz qalasy boıynsha 97 joba qarjylandyryldy.

Budan bólek bıylǵy mamyr aıynda oblys boıynsha atalǵan baǵdarlama aıasynda grant tetigin qarjylandyrýǵa 15 mıllıon teńge bólindi. Grant tetigi boıynsha kásipkerlerden baıqaýǵa qatysýǵa qujattar mamyr aıynyń 4-nen bastap 24 maýsymǵa deıin 18 joba qabyldandy. Jambyl oblystyq aımaqtyq úılestirý keńesimen 29 maýsym kúni baıqaý ótkizilip, onyń nátıjesi boıynsha Taraz qalasynan 8,0 mıllıon teńgege 4 joba maquldandy.

«Bıznestiń jol kartasy-2020» memlekettik baǵdarlamasy aıasynda grant tetigi boıynsha Jastar jylyna baılanysty respýblıkalyq bıýdjetten 21 mıllıon teńge, oblystyq bıýdjetten 303 mıllıon teńge, barlyǵy Jambyl oblysy boıynsha 324 mln. teńge qarajat bólindi. Sonyń ishinde 109,2 mıllıon teńgege 47 joba Taraz qalasynyń jas kásipkerleri utyp aldy.

Zańdy tirkelip, kásibin júrgizip jatqan kásipkerlerge óz bıznesterin damytýǵa qolaıly jaǵdaı týǵyzý maqsatynda, oblys ákimi A.Myrzahmetovtyń hattamalyq tapsyrmasyna sáıkes, qaladaǵy zańsyz ornalasqan jáne qujattarynyń merzimderi ótip ketken 140-tan asa dúńgirshekter men pavılondardar anyqtaldy. Búgingi kúnge onyń 109-y alynyp, tıisti jumystar ary qaraı jalǵasýda. Zańsyz konteınerlik dúńgirshekter men saýda núkteleriniń ornyna, tıptik kommersııalyq dúńgirshekterdi «Taraz» ÁKK UK AQ-nyń tetigi arqyly konkýrstyq negizde ornatý boıynsha 5 ret aýksıon ótkizilip, 26 jer ýchaskesi jeke tulǵalarǵa berilse, 23 jer ýchaskesiniń qujattary daıyndalyp aýksıon arqyly jeke tulǵalarǵa beriletin bolady. Mundaǵy mindetti sharttyń biri, qatysýshylarǵa usynylatyn saýda núkteleriniń eskızderi biryńǵaı sáýlettik stılde bolýy tıis.