Tarazda balabaqshalar sany artýda

Memleket basshysy Qasym-Jomart Toqaev «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda mańyzdy baǵyttar qatarynda bilim berý sapasyn jaqsartýǵa da nazar aýdarǵany belgili. Bul turǵyda Prezıdent «Biz oqýshylardyń qabiletin aıqyndap, kásibı baǵyt-baǵdar berý saıasatyna kóshýimiz qajet.

Bul saıasat orta bilim berýdiń ulttyq standartynyń negizi bolýy tıis.

Ekonomıkamyzda tehnıka salasynyń mamandaryna suranys óte joǵary, biraq múmkindikter az. Kásiporyndar tıisti mamandardy shetelden shaqyrýǵa májbúr. Osyndaı keleńsiz jaǵdaıdy jedel túzetýimiz kerek.

Qala men aýyl mektepteri arasyndaǵy orta bilim sapasy alshaqtap barady.

Negizgi másele – aýyldyq jerlerdegi bilikti pedagog kadrlardyń tapshylyǵy.

Sondyqtan, «Dıplommen – aýylǵa» baǵdarlamasynyń aıasyn keńeıtip, jumysty jańa deńgeıde jalǵastyrýymyz qajet. Úkimetke kelesi jyldan bastap osy baǵdarlamany qarjylandyrýdy 20 mıllıard teńgege jetkizýdi tapsyramyndep atap kórsetti.

Bilim berý sapasyn arttyrý baǵytynda mektepke deıingi mekemelerge de artylatyn jaýapkershilik júgi jeńil emes. Jyldyń basty qujatynda aıqyndalǵan mindetter aıasynda Taraz qalasynda da jumyr jospar túzilip, júıeli jumystar jandana túsýde.

Qazirgi tańda kóne shaharda 64 memlekettik jáne 69 jekemenshik mektepke deıingi bilim berý mekemeleri qyzmet atqarady. Búginde onda 19 451 bala tárbıelenýde. Osy oraıda 1 men 6 jas aralyǵyndaǵy balalardy mektepke deıingi bilim berý, tárbıemen qamtý 79,6 paıyz bolsa, 3 pen 6 jas aralyǵyndaǵy balardy qamtý 98,0% paıyzdy quraıdy. О́tken jylǵa qaraǵanda ájepteýir ilgerileý bar.

Jalpy mektepke deıingi mekemelerdiń ishinde 69 jekemenshik uıymdarynda 6032 bala tárbıelenýde. Bul 31,0 paıyzdy quraıdy. Al kezekke tirkelgen balalar sany 18177. Onyń ishinde 3-6 jastaǵylary – 392 bala. Deıturǵanmen jergilikti bılik tarapynan bul baǵytta nátıjeli jumystar atqarylýda. Mysaly, 2019 jylǵa 1454 oryn josparlansa, naqtyly kezeńde 1534 oryn ashylyp otyr. Iаǵnı, jospar 80 orynǵa artyq oryndalǵan.

Sonymen qatar osy maqsatta memlekettik bilim berý tapsyrystarynan bólek, memlekettik-jekeshelik áriptestiktiń tetikteri iske asyrylatyn bolady.