• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:32:10
Qazaqstan Ýkraınanyń saýda naryǵyna alańdaýly

10 Qazan, 2019 Aımaqtar

"Eńbek" baǵdarlamasy eńseni tikteıdi

Elbasy Nursultan Ábishuly Nazarbaev halyqty jumyspen qamtý jáne jappaı kásipkerlikti damytýǵa aıryqsha nazar aýdaryp, Úkimetke tyń tapsyrmalar bergen bolatyn. Osy oraıda elimizde «Eńbek» Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy qabyldanǵan-dy.

Búginde atalmysh baǵdarlama Taraz qalasynda da júıeli júzege asýda. Sonyń nátıjesinde áleýmettiń áleýeti artyp, kásipkerlik kókjıegi keńeıip keledi. Baǵdarlama aıasynda bıyl 217,6 mıllıon teńge qarjy qarastyrylyp, 1571 adamdy jumyspen qamtý josparlanǵan edi. Aǵymdaǵy jyldyń 8 aıynda 1305 adam qamtylyp, kórsetkish 55,8 paıyzdy qurady. Bul baǵyttaǵy jumystar aldaǵy ýaqytta da jalǵasa beretin bolady.

Baǵdarlamanyń birinshi baǵyty-«Jumysshy kadrlardy eńbek naryǵynda suranysqa ıe biliktilikter jáne daǵdylarǵa beıimdeý» boıynsha oblystyq bıýdjet esebinen 136,6 mıllıon teńge bólinip, 960 adamdy qysqa merzimdi kásiptik oqý tetigi boıynsha oqytý josparlanǵan. Qazirgi tańda suranysqa ıe 30 mamandyq boıynsha 987 adamnyń tizimi jınaqtalyp, qysqa merzimdi kásiptik oqýǵa 517 adam joldanypty.

Al, ekinshi baǵyt boıynsha 2019 jylǵa respýblıkalyq bıýdjetten shaǵyn nesıelendirýge 801,0 mıllıon teńge qarajat bólinip, búgingi kúni 9 azamatqa 113,9 mılılon teńgeniń shaǵyn nesıesi berilgen.

Jalpy, «Eńbek» Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy birneshe kezeńdi qamtıdy. Baǵdarlamanyń úshinshi baǵyty boıynsha Taraz qalasynda jastar tájirıbesin uıymdastyrý úshin respýblıkalyq bıýdjetten 75,7 mıllıon teńge qarastyrylyp, 200 jas túlek tartylýy josparlanǵan. Olarǵa tólenetin aılyq jalaqylardyń kólemi 63,1 myń teńgeni quraıdy. Aıta ketý kerek, jyl basynan búgingi kúnge deıin 323 jas maman joldanypty. Sonymen qatar áleýmettik jumys ornyna respýblıkalyq bıýdjetten 5,3 mıllıon teńge bólinip, 25 adamdy qamtý josparlansa, aǵymdaǵy jyldyń basynan 31 adam joldanǵan.

Sonymen qatar búginde shahar boıynsha jańa nysandaǵy ataýly áleýmettik kómek aýmaqtyq ýchaskelik komıssııasynyń sheshimimen taǵaıyndalyp tólenýde. 2019 jyldyń maýsym aıyna tabystary kedeıshilik deńgeıinen tómen 7438 otbasynyń 37 184 adamyna 2 mıllıard 333,0 mıllıon teńge memlekettik ataýly áleýmettik kómegi taǵaıyndalyp tólendi. О́tken jyldyń osy merzimimen salystyrǵanda taǵaıyndalǵan ataýly áleýmettik kómeginiń ortasha mólsheri 4 ese ósip, ótinish berýshilerdiń sany 10,5 esege kóbeıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir