• USD 389.52
  • EUR 429.21
  • RUB 6.07
  • CNY 54.94
21 Qarasha, 00:19:56
Qazaqstan Ýkraınanyń saýda naryǵyna alańdaýly

14 Qazan, 2019 NEWS

Bıshimbaevtyń bostandyqqa shyǵý sebebi anyqtaldy

Qazaqstannyń ishki ister mınıstriniń birinshi orynbasary Marat Qojaev úkimet otyrysynda eks-mınıstr Qýandyq Bıshimbaevtyń shartty túrde merziminen buryn bosap shyǵýyna qatysty pikir bildirdi. Ol barlyǵy zańǵa sáıkes bolǵanyn aıtty, – dep Qamshy.kz aqparat agenttigi habarlaıdy

«Ol probasııalyq qyzmettiń baqylaýynda bolady. Ol bastapqy úkimge shaǵymdanǵan. Maǵan belgilisi, onyń jaza merzimi 4,8 jylǵa azaıtylǵan. Onyń úshten ekisin ótedi. Bir jyldan kóbirek ýaqyt qalǵan bolatyn. Mundaı jaza túri anaǵurlym jeńiline ózgertildi», - deıdi ishki ister mınıstriniń birinshi orynbasary.

О́z sózinde ol Qýandyq Bıshimbaevtyń kinásin tolyqtaı moıyndaǵanyn rastady. Sonymen qatar burynǵy ulttyq ekonomıka mınıstriniń memleket aldyndaǵy qaryzyn ótegenine senimdilik bildirdi.

«Eger zalal bolsa jáne Joǵarǵy sot osyndaı sheshim qabyldasa, demek Bıshimbaev ótemegen materıaldyq zalal qalǵan joq. Buǵan deıin Joǵarǵy sot atalǵan iske qatysty mán-jaıdy túsindirgen edi. Joǵarǵy sottyń sheshimine qatysty pikir bildirýge quqym men quzyretim joq. Barlyǵy zańǵa sáıkes boldy», –  deıdi Qojaev.

Eske salsaq, eks ulttyq ekonomıka mınıstri Qýandyq Bıshimbaev memleket qarjysyn jymqyrdy dep aıyptalyp, 2018 jyly naýryz aıynda 10 jylǵa bas bostandyǵynan aıyrylǵan. Al jýyrda ǵana Bıshimbaev shartty túrde merziminen buryn  bostandyqqa shyqty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir