• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:54:22
Qazaqstan Ýkraınanyń saýda naryǵyna alańdaýly

14 Qazan, 2019 NEWS

9 aıdaǵy ekonomıkalyq ósim – 4,3%

QR Premer-Mınıstri Asqar Mamınniń tóraǵalyǵymen ótken Úkimet otyrysynda 2019 jylǵy qańtar-qyrkúıektegi respýblıkalyq bıýdjettiń oryndalýy jáne elimizdiń áleýmettik-ekonomıkalyq damý qorytyndylary qaraldy.

QR ulttyq ekonomıka mınıstri R. Dálenov, Ulttyq bank tóraǵasy E. Dosaev, Premer-Mınıstrdiń Birinshi orynbasary – qarjy mınıstri Á. Smaıylov, «Atameken» UKP basqarma tóraǵasy A. Myrzahmetov ekonomıkanyń, bank salasynyń jaǵdaıy, respýblıkalyq bıýdjettiń oryndalýy, memlekettik satyp alýdaǵy jergilikti qamtý máseleleri týraly baıandady, Batys Qazaqstan oblysynyń ákimi Ǵ. Esqalıev, Qyzylorda oblysynyń ákimi Q. Ysqaqov, Soltústik Qazaqstan oblysynyń ákimi Q. Aqsaqalov óńirlerdegi jaǵdaı týraly baıandady.

Osy jyldyń qańtar-qyrkúıek aılarynda JIО́ ósimi ótken jyldyń sáıkes kezeńimen salystyrǵanda 4,3% qurady. Qurylysta – 13,5%, saýdada – 7,6%, kólik salasynda – 5,5%, óńdeý ónerkásibinde, sonyń ishinde mashına jasaýda – 18,2%, jeńil ónerkásipte – 19%, metall kenderin óndirýde – 16,1%, munaı óńdeýde – 7,2%, baılanys qyzmetinde – 4% oń ósim baıqalady.

Ulttyq qordyń aktıvteri 2,4%-ǵa $59,4 mlrd deıin ulǵaıdy, respýblıkalyq bıýdjet kiristeri – 7677,6 mlrd tg (jospardyń 100,8%), ósim qarqyny 112,6% qurady. Halyqtyń jan basyna shaqqandaǵy ataýly aqshalaı tabysy 2019 jylǵy qańtar-shildede 686 myń teńgeni qurady jáne 2018 jyldyń tıisti kezeńimen salystyrǵanda ataýly máninde 10%-ǵa, naqty máninde 4,7%-ǵa ósti.

Sonymen qatar, birqatar bıýdjettik baǵdarlamalar ákimshilerinde bıýdjet qarajattaryn ıgerýsiz qaldyrý jaǵdaılary baıqalady, eń kóp soma ekologııa mınıstrliginde – 1,5 mlrd teńge, mádenıet jáne sport mınıstrliginde – 1 mlrd teńge, saýda mınıstrliginde – 0,9 mlrd teńge, Almaty ákimdiginde – 2,2 mlrd teńge, Almaty oblysy ákimdiginde – 1,1 mlrd teńge, Túrkistan oblysy ákimdiginde – 1 mlrd teńge, Shyǵys Qazaqstan jáne Qaraǵandy oblystary ákimdikterinde – 0,8 mlrd teńgeden, Batys Qazaqstan oblysy ákimdiginde – 0,7 mlrd teńge, Aqmola oblysy ákimdiginde – 0,6 mlrd tg.

9 aıda ST-KZ boıynsha jergilikti qamtýdyń eń joǵary kórsetkishterine Qyzylorda oblysynda jeńil ónerkásip salasynda (46%), Pavlodar oblysynda jıhaz (59%), azyq-túlik jáne qurylys salalarynda (54%) qol jetkizildi.

– 9 aıdyń qorytyndysy boıynsha ekonomıka ósiminiń negizgi bazalyq kórsetkishteri boıynsha Atyraý, Shyǵys Qazaqstan, Túrkistan, Jambyl, Pavlodar oblystary ákimdikteriniń oń jumysyn atap ótkim keledi. Bul artta qalýshy óńirler úshin jaqsy úlgi. О́z kezeginde, keıbir ákimdikterde birqatar kórsetkishter boıynsha tómendeý baıqalady, – dep A. Mamın, óńir basshylaryna atalǵan jaǵdaıdy qysqa merzim ishinde túzeýdi tapsyrdy.

Úkimet basshysy ákimderdiń jergilikti qamtý boıynsha bekitilgen ındıkatorlardy oryndaý úshin barlyq qajetti sharalardy qabyldaýy qajet ekenin, sondaı-aq, zańnama, ındýstrııalyq sertıfıkat jáne ST-KZ sertıfıkaty talaptarynyń oryndalýyn qamtamasyz etý qajet ekenin aıtty.

Premer-Mınıstr Qyzylorda, Pavlodar jáne Túrkistan oblystarynyń ákimdikteriniń satyp alýdaǵy qazaqstandyq qamtý úlesin arttyrý jumysyndaǵy jaqsy kórsetkishterin atap ótti. Úkimet basshysy «Atameken» UKP pen Qarjy mınıstrligine ákimdiktermen memlekettik satyp alýdy júrgizý boıynsha durys jumys atqarý turǵysynan qosymsha semınarlar ótkizýdi tapsyrdy.

– Osy josparlanǵan kórsetkishterge qol jetkizý boıynsha óńirler basshylarynyń jumysy baǵalanatynyn taǵy da atap ótemin, – dep túıindedi A. Mamın.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir