• USD 468.56

  • EUR 497.56

  • RUB 7.3

  • CNY 67.18

29 Naýryz, 19:42:19
Almaty
+35°
 
QR Premer-Mınıstri Asqar Mamınniń tóraǵalyǵymen ótken Úkimet otyrysynda astyq jınaý naýqanynyń qorytyndylary qaraldy.
 
QR aýyl sharýashylyǵy mınıstri S. Omarov mundaǵy jaǵdaı týraly baıandap berdi. Qazirgi tańda jalpy 15,2 mln ga dándi-daqyl alqabynyń 15,1 mln ga jınaldy, bul 99,2% quraıdy. Ortasha ónim alý 12,6 s/ga bolǵanda, 19,1 mln tonna astyq bastyryldy.

– Bıyl aýa raıynyń jaısyz bolýyna baılanysty biz ótken jylmen salystyrǵanda býnkerlik salmaǵynda 2 mln tonnaǵa kem astyq jınadyq. Aýyl sharýashylyǵy mınıstrligine nanǵa baǵany turaqtandyrý úshin Azyq-túlik kelisimshart korporasııasymen astyqty ýaqytyly satyp alýdy qamtamasyz etýdi tapsyramyn,  – dedi A. Mamın.

Úkimet basshysy Qazaqstandaǵy aýa raıynyń erekshelikterin eskere otyryp, jınalǵan astyqty saqtap qalý úshin barlyq sharany qolǵa alý, nan qabyldaý kásiporyndary astyqty saqtaýdy, sondaı-aq ylǵal astyqty óńdeý men keptirýdi ýaqytyly qabyldaýdy qamtamasyz etýi qajettigin atap ótti. 

Premer-Mınıstr aýyl sharýashylyǵy qurylymdarynyń kelesi jylǵa jıyn-terim tuqymdaryna qajettiligin jáne olardyń sapasyn tekserýdi qamtamasyz etýdi, jańa jıyn-terim astyǵyn eksporttaý boıynsha daıyndyq jumystary aıasynda logıstıka máselelerin sheshý boıynsha sharalar qabyldaýdy, sondaı-aq, aýyl sharýashylyǵy daqyldarynyń joǵary ylǵaldylyǵyn eskerýmen bıylǵy qazan-qarasha aılarynda astyq pen tuqymdy keptirýdi júrgizý úshin oblystarǵa dızeldi otynnyń qosymsha kólemin bólý máselesin qarastyrýdy tapsyrdy. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir