14 Qazan, 2019 NEWS

"Eshkim de umytylmaıdy"

Semeıdiń garnızondyq ofıserler úıininiń mýzeı qoryna Uly Otan soǵysynyń ardageri Balabek Raqymjanovtyń jeke zattaryn saltanatty túrde tabystaý sharasy ótti.

О́skeleń urpaqtyń patrıottyq sezimin oıatatatyn sharaǵa mektep oqýshylary qatysty. Balabek Raqymjanov Aıagózdiń aýdandyq partııasynda qyzmet etken. 1941 jyly arnaıy shaqyrtý alyp soǵysqa attanady. Ol birinshi ýkraına maıdanynyń  tank bóliminde bolyp, ultty azat etýge jolynda qyzmet etken.

– Men ákemdi kishkene kezimde ǵana kórdim. Túrin emis-emis bilemin. О́ıtkeni ol 1941 jyldyń maýsym aıynda soǵysqa attanyp ketti. Al men sol jyldyń tamyz aıynyń 20-synda dúnıege keldim. Men ony sońǵy ret kórgenimde nebári 3 jasta edim. Anamnyń aıtýynsha, ákem Berlınge deıin jetip, 1945 jyldyń aqpan aıynyń 24 kúni qaıtys bolǵan. Dostary qaraly habardy jetkizip hat joldap, ákemdi sol jaqqa jerlegen. Anam bul habarǵa senbeı, árdaıym kútýmen boldy, – dep saǵynyshpen ákesin eske aldy Asııa Balabekqyzy.

Ardagerdiń qyzy ákesiniń bar qujatyn, foto sýretin,  2 ordeni bary týraly anyqtamany, gazetke shyqqan maqalalardy, jazǵan hattaryn, sol kisige tıesili barlyq qundy tarıhı qujatty senimmen mýzeıge tabystady.

– Biz ótkenimizdi tanymaı, keleshekti boljaı almaımyz. Al, bolǵan soǵys ol bizdiń ótken tarıhymyz. Sum soǵys qanshama ákelerdi, aǵalardy áketti. Mine, keler urpaq osyny bilse eken, mundaı sumdyq endi bolmasa eken tilekpen ákem jaıly jınaǵan derekterdi berip otyrmyn, – dedi A. Balabekqyzy.

Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir