14 Qazan, 2019 Oqıǵalar
Burynǵy qaqpashy Ilıa Baıterıakov Shyǵys Qazaqstan oblysyndaǵy tasjolda apatqa ushyrady. Onyń ákesi men uly kóz jumdy, Ilıanyń ózi aýrýhanaǵa tústi dep habarlaıdy Qamshy.kz aqparat agenttigi.
Bul týraly jýrnalıst Aıdyn Qojahmet "Burynǵy qaqpashy Ilıa Baıterıakov otbasymen birge jantúrshigerlik apatqa ushyrady. Ilıanyń ózi júrgizgen kólik Semeı-О́skemen tasjolynda aýdarylyp ketken. 35 jastaǵy eks-fýtbolshynyń kishi uly men ákesi birden qaıtys boldy. Ilıa men tuńǵysh uly aýyr halde jatyr", - dep óziniń Telegram kanalynda jazdy.
Onyń aıtýynsha, Ilıa Baıterıakov komada. Apat kezinde fýtbolshynyń anasy men áıeli de zardap shekken.
Ilıa Baıterıakov ár jyldary "Semeı", "Energetık", "Qazaqmys", "Aqjaıyq", "Vostok", "Atyraý" fýtbol klýbtarynda oınaǵan. Qazaqstannyń joǵary lıgasynda 45 match ótkizip, 86 gol jibergen. Birinshi lıgada shamamen 150 matchqa qatysqan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir