• USD 389.52
  • EUR 429.21
  • RUB 6.07
  • CNY 54.94
20 Qańtar, 08:01:06
Qazaqstan Ýkraınanyń saýda naryǵyna alańdaýly

14 Qazan, 2019 NEWS

Mınıstr qazaqstandyq pen sheteldik jumysshylar arasyndaǵy eńbekaqy aıyrmashylyǵyn joıýdy talap etti

Mınıstr Nurymbetov sheteldik jumysshylarǵa qatysty ashy shyndyqty aıtty

Eńbek jáne halyqty áleýmettik qorǵaý mınıstri Birjan Nurymbetov Atyraý oblysyndaǵy munaı jáne gaz óńdeý zaýytyna sapary kezinde qazaqstandyqtar men sheteldik mamandardyń jalaqylaryndaǵy aıyrmashylyq týraly aıtty dep jazady Qamshy.kz aqparat agenttigi Spýtnık saıtyna silteme jasap. 

Zaýyt ujymymen kezdesýde Nurymbetov ózi basqaratyn vedomstvo bas prokýratýramen birlesip, 50-den astam sheteldik jumys kúshin tartqan eldegi kásiporyndarǵa tekseris júrgizgenin atap ótti.

"Osy jyldyń 8 qazanynda 49 kásiporynda tekseris aıaqtaldy, 791 eńbek jáne kóshi-qon zańnamasyn buzý deregi anyqtaldy. Onyń ishinde jalaqy jáne syıaqy tólemderindegi sáıkessizdik te bar – 24 kásiporynda 476 derek. Mysaly, Atyraý oblysynda "Neftestroıservıs LTD" JShS jergilikti ınjenerge bir saǵattyq tarıftik mólsherlemeni 568 teńge, al osyǵan uqsas qyzmettegi sheteldik jumysshy úshin 6500 teńge etip belgilegen. Mundaı tájirıbege jol berilmeıdi", - dep málimdedi mınıstr.

Onyń aıtýynsha, jumys berýshiler Qazaqstan azamattary men sheteldik jumysshylarǵa birdeı eńbek jaǵdaıyn jasap, birdeı jalaqy tóleýi kerek.     

Qazaqstanda belgilengen kvotalarǵa sáıkes, 2425 kompanııa sheteldik jumysshyny tartyp jatyr, olarda sondaı-aq 531 myń qazaqstandyq eńbek etedi.

Jyl basynan beri Atyraý oblysynda 364 jumys berýshi toǵyz myńnan astam sheteldik azamatty jumysqa shaqyrǵan. Onyń ishinde 63 adam – ​​basshylar jáne olardyń orynbasarlary.   

 



Ári qaraı oqý: https://sputniknews.kz/regions/20191014/11762578/Nurymbetov-sheteldik-zhumysshylar.html

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir