• USD 389.52
  • EUR 429.21
  • RUB 6.07
  • CNY 54.94
15 Qazan, 15:32:48
Saılaý qarsańynda "joǵalyp ketken" akter Shrı-Lankadan sálem joldady (vıdeo)

12 Qazan, 2019 Oqıǵalar

Arys mańynda taǵy da jarylys bolyp, áskerı qyzmetker qaza tapty

Arys mańyndaǵy polıgon aýmaǵynda oq-dárilerdiń jınalǵan bólshekterin joıý jumystary kezinde áskerı qyzmetker qaza tapty, dep jazady Qamshy.kz aqparat agenttigi. Bul týraly qorǵanys mınıstrligi habarlady. 

"11 qazanda arnaıy jabdyqtalǵan polıgon aýmaǵynda (Arys qalasynan 60 shaqyrym jerde) oq-dárilerdiń jınalǵan fragmentterin joıý boıynsha josparly jumys barysynda oq-dárilerdiń fragmenti ýaqytynan buryn detonasııa boldy. Saldarynan top jetekshisi, áskerı bólimniń ınjenerlik qyzmetiniń bastyǵy, maıor A.S.Aqyshev aýyr jaraqat alyp, kóz jumdy", - dep habarlady qorǵanys mınıstrligi.

Aqparatta jumystar qajetti qaýipsizdik sharalaryn saqtaı otyryp júrgizildi, tragedııanyń naqty sebebi men saldary anyqtalýda, tergeý toby jumys istep jatyr delingen.

Vedomstvo bul jaǵdaı polıgonǵa jaqyn ornalasqan eldi meken turǵyndaryna qaýip tóndirmeıtinin túsindirdi, óńirde úzdiksiz baqylaý júrgizilip jatyr.

Qorǵanys mınıstrligi qaza bolǵan áskerı qyzmetshiniń týystary men jaqyndaryna kóńil aıtady jáne olarǵa barlyq qajetti kómek kórsetetin bolady.



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir