• USD 389.52
  • EUR 429.21
  • RUB 6.07
  • CNY 54.94
15 Qazan, 15:38:06
Saılaý qarsańynda "joǵalyp ketken" akter Shrı-Lankadan sálem joldady (vıdeo)

11 Qazan, 2019 NEWS

Nazarbaev: Kimdi jaýlap jatyr?

Ult kóshbasshynyń aıtýynsha, birlesken kásiporyn salǵanda úkimetter naqty qansha mamannyń keletinin anyqtap, bekitedi.

 Elbasy N.Nazarbaev qytaılyq qaterge qatysty óz pikirin bildirdi, – dep habarlaıdy Qamshy.kz aqparat agenttigi.

"Men "Qytaı bizdi jaýlap jatyr" degen sııaqty áńgimelerdi jıi estıtin boldym. Kimdi jaýlap jatyr? Qalaı jaýlap jatyr? Qazaqstannyń jerin bireý vagonǵa tıep, alyp kete me?", – dedi Nazarbaev "Habar" arnasyna bergen suhbatynda.

Osy oraıda tuńǵysh prezıdent qytaı kásiporyndaryn salý boıynsha qandaı kelisimniń bolǵanyn aıtyp berdi.

"Qytaı basshylyǵymen naqty kelisim bar. Biz birlesken kásiporyn salǵanda úkimetter naqty qansha mamannyń keletinin anyqtap, kelisimmen bekitedi. Nysannyń qurylysy aıaqtalǵannan keıin bári ketýi kerek. Kezinde Hý Szıntao da ketkisi kelmese bizge aıtyńdar degen. Bárin alyp ketemiz dedi. Sondyqtan fantomdy úreıdi taratýdyń qajeti joq. Eski kásiporyndardy eshkim kóshirip jatqan joq. Biz jetekshi kásiporyndardy, Qazaqstan ekonomıkasyna qajetti nysandardy ǵana tańdaımyz", – dep atap kórsetti Nazarbaev.

Qazaqstannyń tuńǵysh prezıdenti aıtýynsha, qazirgi kezde Qytaıda qarajat kóp. Ony bári alǵysy keledi.

"Al olardyń bizge degen qarym-qatynasy jaqsy. Jalpy, men Qytaıdyń barlyq basshysymen jaqsy qarym-qatynasta boldym. Ony qazirgi tóraǵa Sı Szınpın de rastap otyr. Biz osyny paıdalanýymyz qajet. "Jibek joly" jobasyn qoldadyq. Sebebi osy joba biz úshin tıimdi. Máselen, qazirdiń ózinde Qazaqstan konteınerlik tasymaldyń arqasynda biraz paıda taýyp jatyr. Osy tranzıtpen jyl saıyn 5 mıllıard dollar tabatyn bolamyz", –  deıdi Nazarbaev.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir