• USD 389.52
  • EUR 429.21
  • RUB 6.07
  • CNY 54.94
17 Qazan, 12:16:46
Prezıdenttik jastar kadr rezervine irikteýdiń kelesi kezeńine 904 qatysýshy ótti

11 Qazan, 2019 Aıtty-eı, baýyryń!

Muhamedjan Tazabek: Shalqar eline jol tarttym...

Toptyń týyn kótergender jolyńa topyraq shashty eken, dep, xalyqtyń qalaýynan qalys qala almaısyń. Júzdegen "janashyrlarym" doldandy eken dep, mıllıondardyń mańyz bergen shaqyrtýynan bas tarta almaısyń...

Otanshyl jastardyń uıymdastyrýymen júzege asqan, Aqtóbedegi eki kúndik kezdesýimiz joǵarǵy deńgeıde ótti. Birinshi kúni Aqtóbedegi S. Báıshev atyndaǵy oblystyq ámbebap-ǵylymı kitaphanasynda jıylǵan jurttyń qaýmalaǵan ystyq yqylasyna kýá boldyq.
Bilgenimizben bólistik. Suraqtarǵa ashyq, shynaıy jaýap berdik. Aqsaqaldardyń batasyn alyp, ini-qaryndastardyń júregine jylý, bolashaǵyna úmit syılaýǵa tyrystyq.

P.S. Arnaıy toptyń tapsyrys berýimen, áleýmettik jelide otyryp, muqym xalyqtyń atynan pikir aıtatyn belgisiz bottar men fıtnashyl feıktardyń maqsaty júzege asa qoımas. Az qazaqtyń arasyna syna qaǵyp, birin-birine aıdap salyp, vırtýaldy álemniń "bir týaryna" aınalǵysy kep júrgenderdiń de túpki maqsatyn parasatty qaýym bilip otyr.
Birneshe kúnniń ishinde, arnaıy zertteı otyryp, meniń posttarymnyń astyna jazylyp jatqan pikirlerdiń ıesi belgili adamdar emes, bir qoldan shyqqan feık shabýyldar, ondaǵan jalǵan akkaýntar arqyly arandatýshy mátindi atqylap otyrǵan, aqparattyq kıllerler ekeni belgili boldy.

"Shirkin-aı, men sizge senip júr edim, mynaýyz uıat boldy", "xalyqtan keshirim sura, ońbaı súrindiń", "eldiń rýxyn syndyrýǵa jiberilgen, ókimettiń ókili" degen sııaqty, bir oqyǵanda senimińdi jaýlap, júregińe qona qalatyn arandatýshy, aldarqatýshy jazbalardyń birneshe pendeniń júzege asyrýymen, júzdegen akkaýnttardan joldanyp turǵany qandaı ókinishti.
"Halyqtyń bári qarsy bop jatyr" degen pikir qalyptsatyrýǵa tyrysyp, tynysh jatqan jurtqa dúrbeleń týǵyzyp, janashyr jurttyń júregin aýyrtyp, ári-sári kúıge túsirip, eldi ekige bólip, sanany sansyratý -dushpannyń ejelgi tásili, kánigi aılasy.

Áleýmettik jelidegi at tóbelindeı adamdar aıǵaıǵa súren qosyp, otqa maı quıyp otyrǵany bolmasa, qaımana qazaq, qaraıǵan xalyq óz sharýasymen shuǵyldanyp, óz jolymen ketip bara jatyr...
Tipten keıbir otandastarymyzdyń mundaı shýǵa kóńil bólip, kókiregin kirletýge ýaqyty da, murshasy da joq...
Mıllıondaǵan jazylýshylarym bolyp, on myńdaǵan qoldaýshy laıktar men rıza pikirlerdiń ıesi bop otyrsam da, xalyqtyń atynan sóılep, úrlenip, úlkendik kórsetýge ári uıalamyn, ári ol ultqa qyzmet etetin urpaqqa jarasar qylyq emes ekeni anyq nárse.
"Kóptiń aýzyn kúzetseń kún kórmeısiń, dep Abaı jaryqtyq aıtqandaı, umtylǵanmen urysyp, alarǵanmen aıtysyp otyrýǵa ýaqytym da, qulqym da joq.
Qara jerdeı salmaqty, sary altyndaı ardaqty salıxaly xalyq bárin kórip, bárin bilip otyr...
Eldi arandatyp jatqandar bar shyǵar, biraq onyń tól perzentine degen maxabbatyn eshkim búrkep, yqylasyn eshkim tartyp ala almaıdy!
Aqyl suraıtyn aqsaqal tappaı, senim artatyn serkeler bolmaı abyrjyp turǵan, negatıv daýyldardan kóz aldy búldyrap, ósek pen iritkiden júregi syǵylyp, kimge senerin bilmeı abdyrap turǵan Alash jurtyma Alla jar bolsyn!
Elimiz aman, jerimiz tutas, zamanymyz tynysh bolsyn!

Aqtóbe jurtyna rıza xálde, batyry men aqyny, jyraýy men ustasy, dárigeri men ustazy álemge úlgi shashqan Shalqar eline jol tarttym...

Muhamedjan Tazabektiń feısbýk paraqshasynan alynǵan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir