Elimizde 500-ge tarta aýyldyń erteńi bulyńǵyr

Sebebi ol jerlerde halyq sany 500 adamnan az. Al halyq sany 50-den aspaıtyn 500-ge tarta eldi-meken bar dep jazady Qamshy.kz aqparat agenttigi inbusiness.kz aqparyn negizge alyp.  

Birer kún buryn Prezıdent Qasym-Jomart Toqaev «Biz ishki mıgrasııany baqylaýdy kúsheıtýimiz kerek. Bulaı jalǵasa berse, jaǵdaı qıyndaıdy. Men ózimniń Halyqqa joldaýymda «qalalardaǵy halyq sanynyń kóptigi – maqtanysh emes, bul sheshilýi tıis másele» degen bolatyn.

Elimizde ishki mıgrasııa aqsap tur. Nege? Máselen «Aýyl – el besigi», «Dıplommen aýylǵa», «Serpin» sııaqty túrli baǵdarlamalar qolǵa alyndy. Alaıda nátıjesi shamaly sııaqty. Mysaly, dıplommen aýylǵa barǵan mamandar kelisim-shart boıynsha jumystaryn istep, ýaqyttary aıaqtalǵanda birden qalaǵa qashady.

«Nur-Sultannyń múmkindigi sheksiz emes. Sony eskerý kerek. Kez-kelgen adam elordada turyp, bilim alǵysy keledi. Biraq úısiz, kúısiz astanada ómir surý qıyn. Árıne, biz eshkimge tyıym sala almaımyz. Alaıda qaı jerde jaqsy jaǵdaı baryn túsindirý sharalaryn júrgizý qajet», – deıdi QR premer-mınıstriniń orynbasary Berdibek Saparbaev.

Árbir salanyń óz standarttary bar. Mysaly, eger bala sany 15-ten tómen bolsa, ol aýylda bastaýysh mektep jabylady. Sol sebepti, damymaı otyrǵan aýyldarda áleýmettik nysandardy salýdyń qajeti joq. Sebebi ol jerge 200-300 mln teńge turatyn sý júıelerin tartýǵa múmkindik  joq eken.