• USD 468.56

  • EUR 497.56

  • RUB 7.3

  • CNY 67.18

29 Naýryz, 19:36:03
Almaty
+35°

Polshalyq bapker Kamıl Sheremeta kelesi jekpe-jegin qazaqstandyq Gennadıı Golovkınge qarsy ótkizetinin málim etti dep jazady Qamshy.kz aqparat agenttigi Vesti.kz. saıtyna silteme jasap.

"Golovkınmen jekpe-jek aqpannyń basynda bolady. IBF tujyrymy boıynsha álem chempıony tıtýly úshin judyryqtasamyz", - dedi Sheremeta TVP-ge bergen suhbatynda. 

Polıak daıyndyqty qarashada bastaımyn depti.  Buǵan deıin The Athletic ınsaıderi Maık Koppındjer men basylym jýrnalısi Maıkl Benson Golovkın - Sheremeta jekpe-jegi boıynsha kelisimge qol qoıylǵanyn habarlaǵan edi. 

IBF-tiń qyrkúıektegi reıtınginde Sheremeta Golovkın men ýkraınalyq Sergeı Derevıanchenkodan soń úshinshi orynda turǵan. Polıak qazandaǵy reıtıngte kóshbasyna shyǵyp, tıtýlǵa resmı úmitker bolmaq. 

Qyrkúıekte Sheremeta promoýter Eddı Hırnmen kelisimshartqa otyrǵan. Bul promoýtermen Golovkın de jumys isteıdi. Polshalyq boksshy AQSh-taǵy debıýtin Golovkın - Derevıanchenko keshiniń anderkartynda ótkizgen. Sol kezdesýde ol meksıkalyq Oskar Kortesti ekinshi raýndta nokaýtqa túsirgen edi. 

Kamıl Sheremeta kásipqoı boksta 21 jekpe-jek ótkizip, bárinde jeńiske jetken. Al áýesqoı karerasynda 2010 jyly qazaqstandyq Serik Sápıevten basym túsken. 

"Qamshy" silteıdi
Ilmek sózder: golovkın sheremeta

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir