Jas ánshi, "Balalar daýysy" jobasynyń jeńimpazy Erjan Maksım "Junior Eurovision" halyqaralyq án baıqaýynda aıtatyn ánine túsirilgen beınebaıandy jarııalady dep habarlaıdy Qamshy.kz aqparat agenttigi "Habar 24" saıtyna silteme jasap.
Jas ánshi, «Balalar daýysy» jobasynyń jeńimpazy Erjan Maksım «Junior Eurovision» halyqaralyq án baıqaýynda aıtatyn ánine klıp túsirip jatqanyn buǵan deıin habarlaǵan bolatynbyz.
Búgin talantty jetkinshektiń alǵashqy beınebaıany resmı túrde tanystyryldy. Halyqaralyq dodada synǵa túsetin beınebaıandy eń birinshi bolyp tamashalaýǵa bizdiń kórermender múmkindik alyp otyr. Osy sátti Erjannyń jankúıerleri, jalpy kórermen asyǵa kútti desek bolady. Sebebi jas ánshiniń halyqaralyq baıqaýda qandaı án oryndaıtyny osy ýaqytqa deıin qupııa bolyp keldi.
Búgin jańa án jáne oǵan arnaıy túsirilgen beınebaıan kópshilik nazaryna usynyldy. Ánniń aty «Armannan qalma» dep atalady. «Balalar Eýrovıdenıesi» baıqaýynyń sharty boıynsha qatysýshylar esh jerde jarııalanbaǵan 3 mınýtqa deıingi kompozısııany tabıǵı daýysta oryndaýy qajet. Aıta keteıik, Qazaqstan bul baıqaýǵa bıyl ekinshi ret qatysqaly otyr. Al halyqaralyq balalar án dodasy 24 qarasha kúni Polshanyń Glıvıse qalasynda bastalady. Jerlesimiz Erjan Maksım qatysatyn jas ánshiler jarysyn «Habar» telearnasynan kóre alasyzdar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir