• USD 389.52
  • EUR 429.21
  • RUB 6.07
  • CNY 54.94
16 Qazan, 01:37:19
Saılaý qarsańynda "joǵalyp ketken" akter Shrı-Lankadan sálem joldady (vıdeo)

10 Qazan, 2019 Sport

Ignasıo: Golovkınniń osal tustary

Aty ańyzǵa aınalǵan bapker Ignasıo "Nacho" Berıstaın Golovkın-Derevıanchenko jekpe-jegine taldaý jasap, qazaqstandyq boksshynyń osal tustaryn atap kórsetti, – dep habarlaıdy Qamshy.kz aqparat agenttigi Sports.kz -ke silteme jasap.  

Maman  Golovkınniń osyndaı dárejede judyryqtasýy onyń jas mólsherine baılanysty emes. Bar bolǵany GGG-diń bul jekpe-jekke nashar daıyndalǵany men jańa bapkeriniń strategııasynyń bolmaýyn sóz etti.

 "Jekpe-jekti kórip, Golovkınniń babynda bolmaǵanyn baıqadym. Baýyryna joıqyn soqqy ótkizip alǵan soń ol belsendiligin arttyrǵandaı boldy – kombınasııalar jasap, jyldamyraq qozǵalyp, aýyr soqqylar daryta bastady", – deıdi Ignasıo.

Ol sodan keıin Golovkınniń qaıtadan jartylaı baıaý stılge kóshkenin atap ótti. Aıtýynsha, boksshyǵa bapkeriniń aýysýy áser etken.

"Másele jasynda emes", – dep atap ótti bapker.

Ignasıo óziniń ardager boksshylarmen jumys istegen tájirıbesimen bólisip, jattyǵý prosesine sáıkes túzetýler engizip, sonyń arqasynda olardyń rıngte jaqsy judyryqtasqandaryn jetkizdi.

"Golovkınge shydamdylyq jetispedi, bundaı qarsylasty jeńý úshin oǵan jyldamdyqty arttyrý boıynsha jumys jasaý kerek edi.

Ol jyldam emes, biraq myqty jáne qalaı urý kerektigin biledi. Endi bapkerdi aýystyrýyna baılanysty oǵan bul qasıetter jetispeýde. Ol ushqyndy joǵaltyp aldy", – deıdi ataqty bapker.

Eske salsaq, Gennadıı Golovkınniń jattyqtyrýshysy Djonaton Benks Sergeı Derevıanchenkomen ótken jekpe-jektegi qazaqstandyq boksshynyń judyryqtasýyna kóńili tolmaǵanyn jetkizip, buǵan óziniń de kinási ber ekenin aıtqan bolatyn.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir