• USD 468.56

  • EUR 497.56

  • RUB 7.3

  • CNY 67.18

29 Naýryz, 16:52:33
Almaty
+35°

Qazaqstan Respýblıkasy Prezıdenti apparatynyń janynan qurylǵan jumysshy toby Jambyl oblysy, T.Rysqulov aýdanyndaǵy Qulan shaǵyn ortalyqty mektep-gımnazııasynda bolyp, «Balalardyń quqyqtary men qyzyǵýshylyǵyn qamtamasyz etý» júıesine baılanysty suraqtar men usynystardy taldaý boıynsha zerdeleý jumystaryn júrgizdi, dep jazady Qamshy.kz aqparat agenttigi. 

Zerdeleý barysynda mekteptiń áleýmettik tólqujaty, mektep oqýshylarynyń otbasylyq jaǵdaıy taldandy, onyń ishinde jaısyz otbasylardyń bolý sebepteri qaraldy.Mektep ashanasynyń materıaldyq-tehnıkalyq jaraqtalýy jáne as máziriniń sapasy, sáıkestik sertıfıkattary tekserildi. Mekteptiń psıhologııalyq qyzmeti boıynsha sýısıd oqıǵalary men erte júktiliktiń aldyn alý sharalarynyń qalaı uıymdastarylyp jatqandyǵy zerdelendi. Quqyqtyq-tárbıe boıynsha mektep oqýshylary arasyndaǵy quqyqbuzýshylyqtyń aldyn alý sharalary qaralyp, aýdandyq jasóspirimder ınspeksııasynda esepte turǵan oqýshynyń joq ekeni anyqtaldy. Mektep pen ishki ister bóliminiń birlesken is-shara josparyna saı júrgizilgen jumystar taldandy.QR «Bilim týraly» Zańynyń talaptarynyń oryndalý maqsatynda jalpyǵa mindetti oqýmen qamtý aılyǵynyń jumys barysy jáne mektepke qarasty móltekaýdandardaǵy 0-18 jastaǵy balalardyń esebi taldandy. Sonymen qatar mekteptegi ár oqýshynyń quqyǵynyń qorǵalýy baǵytynda jumys sapary aıasynda QR Prezıdenti apparaty janynan qurylǵan jumysshy top músheleri aýdandyq ortalyq aýrýhanada boldy. Negizgi taqyryp – aýyldy jerlerde balaǵa emdik – profılaktıkalyq jumys barysyndaǵy sheshimi kúrdeli máselelerdi zerdeleý.Aýdandyq ortalyq aýrýhananyń qabyldaý bólimi, reanımasııa bólimi, perzenthana jáne balalar bólimderiniń jumysymen tanysty. Aýdandyq emhanadaǵy «Densaýlyq mektebi» jáne «Deni saý bala» kabınetterin kórdi. Aýdan boıynsha bala densaýlyǵynyń ındeksi (aýdanda-22,7%) balalarda jıi kezdesetin aýrýlar: tynys alý jáne ókpe aǵzalaryn men qan azdyq aýrýlary jaǵdaıy taldandy. Kópten kóterilip júrgen problemanyń biri-aýdanǵa kardıolog, otolarıngolog jáne balalarǵa o.i. nevrologııalyq aýrýlarmen aýrý balalarǵa reabılıtasııa,ıaǵnı ońaltý úshin kóbirek múmkindik qajettigi týraly usynys berildi.

Jalpy Elordadan arnaıy kelgen jumysshy tobyn 7-9 qazan arylyǵynda T.Rysqulov aýdanyn qosa eseptegende 8 aýdan men Taraz qalasynda bolyp, tekseris qorytyndysyn «Nur Otan» partııasynyń májilis zalynda shyǵardy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir