• USD 389.52
  • EUR 429.21
  • RUB 6.07
  • CNY 54.94
16 Qazan, 01:40:59
Saılaý qarsańynda "joǵalyp ketken" akter Shrı-Lankadan sálem joldady (vıdeo)

09 Qazan, 2019 Aımaqtar

Myrzabaev "Tarazdy" "tiriltti me"?

«Taraz» qaıta tirildi. Olaı deıtinimiz «Oqjetpespen» ótken sońǵy oıynda jerlesterimiz sensasııa jasady. 2:0 esebimen utylyp jatyp, aıdy aspannan bir-aq shyǵardy. Bul sóz joq, jańa bapker Nurmat Myrzabaevtyń taktıkalyq sheberligi ekeni daýsyz, dep jazady Qamshy.kz aqparat agenttigi. Ras alǵashqy mınýttarynda qaqpamyzǵa penaltı ákelip, klýb jeńilistiń kermek dámin qaıta tatatyndaı kóringen. Tipti ekinshi dop torta týlaǵanda talaılar qolyn bir siltegeni de aqıqat. Alaıda kútpegen jerden kezdesýdiń basty qaharmany Álisher Súleı birinshi taımda esep aıyrmasyn bir golǵa qysqartyp, úmit otyn qaıta jaqty.

Úzilisten keıin «Taraz» alańǵa erekshe ekpinmen shyqqany baıqaldy. Biraq tóreshi dóreki oınaǵany úshin Joana Martınsti alańnan qýyp, jelpingen kóńildi sý sepkendeı basty. Budan keıin jigitterdiń jigeri qum bolyp, saly sýǵa ketedi dep oılaǵanbyz. Alaıda Álisher Súleı qaıta erlik tanytyp qaqpashydan aılasyn asyryp dopty torǵa qaraı baǵyttady. Baǵanaǵa tıip keri serpilgen doptyń qasynan Elgýdja Lobjanıdze tabyla ketip, esepti teńestirip ketti. Bir oıynshyǵa kem oınap jatqan «Tarazǵa» teń upaı da taqııasyna tar kelmeıtin. Biraq jigitter naǵyz erlik jasady. Toqsan mınýt túgesiler tusta Lobjanıdze qorǵaýshylardyń óreskel qatetiligin sátti paıdalanyp, esepti 2:3-ke jetkizdi. Osylaısha «Taraz» aýadaı qajet úsh upaıǵa qol jetkizdi.

Oıynnan keıingi baspasóz máslıhatynda «Tarazdyń» bas bapkeriniń mindetin atqarýshy Nurmat Myrzabaev komandaǵa tamasha kambek úshin alǵysyn bildirdi.

- Oıyn óte aýyr boldy. Ásirese alańnan bir oıynshymyz qýylǵannan keıin jaǵdaıymyz múshkildeı kóringen. Biraq jigitter jeńiske degen jiger tanytty. Alǵysym sheksiz. Klýbtyń qazirgi jaǵdaıynda bizge árbir upaı aýadaı qajet. Sondyqtan qalǵan oıyndarda da barymyzdy salatyn bolamyz, -dedi bas bapker.

Qalaı degende de, «Taraz» kópten kútken úsh upaıyna qol jetkizdi. Endi tek osy baǵyttan taımaý kerek. «Oqjetpesti» utqannan keıin qaýipti aımaqtaǵy «Atyraýdan» tórt, al «Aqtóbeden» on eki upaı alǵa shyǵyp ketkenimiz qýantady. Dese de týrnır kestesinde 10-orynda turý abyroı emes. Qalǵan tórt oıyndaǵy qarsylastarymyz «Shahter», «Jetisý», «Qaısar» jáne «Ordabasy» alynbaıtyn qamal emes. Sondyqtan jigitter bar kúshterińdi salyńdar. Qazirgi basty maqsat tómengi lıgaǵa qaıta túsip qalmaý.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir