• USD 468.56

  • EUR 497.56

  • RUB 7.3

  • CNY 67.18

29 Naýryz, 15:48:06
Almaty
+35°

Zaman talabyna saı básekege qabiletti urpaq tárbıeleý maqsatynda byltyrǵy oqý jylynda Jambyl oblysy Jýaly aýdanynda «Bilimdi urpaq» bilim ortalyǵy ashylǵan bolatyn. Ortalyqtyń búginde 200-ge jýyq shákirtteri bar. Endi jýyrda Nurlykent aýylynyń ortalyǵynan aýyldaǵy ata-analardyń suranysy boıynsha «Bilimdi urpaq» oqý ortalyǵynyń fılıaly ashyldy, dep jazady Qamshy.kz aqparat agenttigi. 

-Bul aýyldan jazǵy demalysta ortalyǵymyzǵa kóptegen balalar kelip, til úırenip júrdi. Árıne, balalary kúndelikti baryp-keletin bolǵandyqtan ata-analarǵa olardyń jolaqysy da ońaı emes. Sondyqtan ata-analar tarapynan «Aýylymyzda 900-deı oqýshy bar. Sol sebepten bizdiń aýyldan ortalyqtyń fılıalyn ashsańyzdar» degen usynys tústi. Ári-beri oılana kelip, ashýdy jón sanadyq. Elimizdiń bolashaǵy – jastar. Olardyń keleshegin oılaýymyz kerek.

Bul ǵımarat buryn dúken bolǵan. Bos turǵan soń jalǵa alyp, ishin jóndep, qajetti qural-jabdyqtarmen qamtamasyz ettik. Endi jylý júıesin júrgizemiz. Búgingi tańda 100 bala oqýǵa jazylyp otyr. Áli de jazylýda. 100 balany on topqa bóldik. Olar aptasyna úsh kún oqıdy. Bilim alýshylarǵa ata-analardyń suranysy boıynsha joǵary sanatty ustazdar aǵylshyn tilinen Gúlbaný Sársenbıeva men orys tilinen Aıgúl Sáttibaeva sabaq beredi,- deıdi ortalyqtyń ıesi kásipker Núrılá Málibekova.

Ortalyqtyń ashylýyna aýyldyq okrýg ákimi Nurjigit Bólekbaev, aýdandyq Isker áıelder keńesiniń tóraıymy Ásıma Shekeeva, músheleri Gúlmıra Ásemova, Aınagúl Ahmadbekova, oqýshylar men ata-analar, ustazdar qatysty.

Ashylý saltanatyn M.Lomonosov atyndaǵy orta mekteptiń oqýshylary Dıana Rahmatýllaeva, Darıǵa Erejepbaı jáne Daıarbek Sanjar úsh tilde júrgizdi.

Quttyqtaý sóz kezegi aýyldyq okrýg ákimi Nurjigit Bólekbaevqa, aýdandyq Isker áıelder keńesiniń tóraıymy Ásıma Shekeevaǵa, ardager ustaz, aýyl turǵyny Tamara Raısovaǵa berildi. Sóz sóıleýshiler aýyldan osyndaı bilim ortalyǵyn ashyp jatqan kásipkerge rızashylyǵyn bildirip, eńbekterine tabys tiledi. Oqýshylardyń zaman talabyna saı aǵylshyn, orys tilin jetik meńgerýlerine, alaıda «О́zge tildiń bárin bil, óz tilińdi qurmette» demekshi, óz ana tilderin qurmetteýge shaqyrdy.

Ortalyqtyń lenta qııý rásimin aýyldyq okrýg ákimi Nurjigit Bólekbaev pen isker áıelder keńesiniń tóraıymy Ásıma Shekeeva jasady. Táttiden shashý shashylyp, jınalǵan qaýym ishke kirip, oqý kabınetterimen tanysty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir