Kópbalaly analardyń alǵysy sheksiz  

Memleket basshysy Qasym-Jomart Toqaevtyń bastamasymen el turǵyndarynyń nesıesi keshirilip, qara halyqtyń qýanyshynda shek bolmaǵany belgili. Bul bastama árıne Prezıdent Joldaýynda aıtqan turǵyndardyń turmysyn túzeýge baǵyttalǵany belgili. Osyǵan oraı Jambyl oblysy Jýaly aýdanynyń «Kúmis alqa» ıegeri Qasym-Jomart Kemelulynyń sharapaty úshin sheksiz alǵysyn jetkizýde, dep jazady Qamshy.kz aqparat agenttigi. Memleket basshysy Qasym-Jomart Toqaev Prezıdent qaryzǵa batqan azamattardyń jaǵdaıyna beı-jaı qaraı almaıtynyn aıtyp, olarǵa tıisti áleýmettik kómek kórsetý týraly sheshim qabyldady. Jarlyqqa sáıkes ómirlik qıyn jaǵdaıda qalǵan jandardyń ekinshi deńgeıdegi bankter men mıkroqarjy uıymdaryndaǵy kepilsiz tutynýshylyq qaryzdary ótelýde.

Osy rette óz atyna resimdelgen tutynýshylyq nesıesi merziminen buryn jabylyp, qýanyshqa kenelgender arasynda jýalylyqtar da bar. Ásirese, Nurlykent aýylynyń turǵyny, kópbalaly ana, «Kúmis alqa» ıegeri Raıhan Aqjigitovanyń rızalyǵynda shek joq.

– Men «sizdiń banktegi nesıeńiz óteldi» degen habarlama kelgende, oǵan áý basta sengen joqpyn. «Kaspıı bankten» alǵan eki nesıem, al «Hoým kredıt» bankte bir nesıem bar edi. О́tken jyly dál Táýelsizdik kúni merekesinde «TehnoDom» saýda úıindegi «Kaspıı bank» ókilderi arqyly 206 myń teńgege nesıe rásimdep, plazmalyq teledıdar alǵan edim. Taǵy 300 myń teńge kóleminde aqshalaı nesıe, naýryz aıynda «Hoým kredıtten» uıaly telefondy nesıege aldym. Alǵan nesıemdi ár aıdyń basynda aıma-aı ózim tólep kele jatyr edim.Endi, mine, nesıemniń ótelgeni otbasymnyń tabysyna, turmys jaǵdaıyna ájeptáýir áser etip otyr. Qıyn sátte dem berip, bizdeı kópbalaly anany óz qamqorlyǵyna alǵany úshin Prezıdent Toqaev myrzaǵa jáne Úkimetke aıtar alǵysym sheksiz,- deıdi kópbalaly ana.

Raıhan Aqjigitova odan bólek, balalaryna áleýmettik járdemaqy alatynyn, mektep, sport kıimderi beriletinin, mektepte bir mezgil ystyq tamaqpen qamtamasyz etilip otyrǵanyn rızashylyq sezimmen aıtty.

Iá bul bir ǵana Raıhannyń júrek jardy alǵysy emes. Mundaı kúıdi jambyldyqtardyń deni keshkeni anyq. Barlyǵynyń bir ǵana nıeti men tileýi Memleket basshysynyń amandyǵy. Sondyqtan kópbalaly analardyń alǵysyn arqalaǵan Prezıdenttiń de ǵumyry uzaq bolǵaı degen nıette jýalylyq jurtshylyq.