Beıbit kúnniń batyrlary

Memleket basshysy Qasym-Jomart Toqaev halyqqa arnaǵan Joldaýynda tótenshe jaǵdaılar salasynyń qyzmetkerleriniń jumysyn aıryqsha aıtyp ótkeni belgili. Osy oraıda búginde jer-jerlerde salanyń jumysy barynsha shıratylyp, tirligi pysyqtalýda. Jambyldyq tótenshe jaǵdaılar qyzmetkerleri de óz sheberlikterin shyńdaı túsýde, dep jazady Qamshy.kz aqparat agenttigi. Gaz-tútinnen qorǵaý qyzmetiniń jaýyngerleri kózge túrtse kórgisiz qarańǵy ári qolqany qabatyndaı qalyń tútin men ys ǵımaratta, ıaǵnı qıyn jaǵdaıda jumys atqaratyndyǵyn biri bilse, biri bilmes. Kásibılik turǵysynan dál osy qyzmet túriniń adam ómirin qutqarýda atqarar táýekelderi men qıyndyqtary jetip artylady. О́ıtkeni olarǵa kúrdeli órtterde jumys isteýlerine týraly keledi.

Aǵymdaǵy jyldyń 8 qazanynda Jambyl oblysy Tótenshe jaǵdaılar departamenti О́rt sóndirý mekemesiniń №1 Mamandyrylǵan órt sóndirý bóliminiń aýmaǵynda Jambyl oblysy órtke qarsy qyzmet garnızonynyń órt sóndirý bólimsheleriniń gaztútinnen qorǵaý qyzmeti býyndarynyń arasynda «Úzdik gaztútinnen qorǵaý qyzmetiniń býyny» (odan ári -GTQQ) oblystyq baıqaý-konkýrsy ótkizildi. Baıqaýda 10 komanda saıysqa tústi.

Baıqaý-konkýrs gaztútinnen qorǵaý qyzmetin jetildirý, jeke quramdy gaztútinnen qorǵaý qyzmetiniń jedel-qyzmettik mindetterin sátti oryndaýdy qamtamasyz etetin epti jáne tıimdi is-áreketke oqytý maqsatynda ótkiziledi. Sondaı-aq, gaztútinnen qorǵaýshylardyń fýnksıonaldyq daıyndyǵyn joǵarylatý jáne «Úzdik gaztútinnen qorǵaý qyzmetiniń býynyń» anyqtaý bolyp tabylady.

Jarys barysynda órt sóndirýshiler óz kásibı biliktilikterin kórsetti. Baıqaýǵa órt sóndirýshilerdiń kúndelikti ómirinde qoldanylatyn jattyǵý túrleri engizildi:

- «Jaýyngerlik tekseris»;

- «20 metr qashyqtyq», býynnyń ár múshesimen aýyrlyqty tasý (salmaǵy 20 kg bir kir tastan);

- «Estakada», GTQQ býyny belgilengen jolaqpen júrip ótý;

- «Konstrýksııaǵa qutqarý arqanyn bekitip baılaý»;

- «Tútin kamera», «jaraqattanǵandy» (manıken) izdeý arqyly barlaý júrgizý jáne ony taza aýaǵa alyp shyǵý;

Oqý maunarasynyń 4-qabatyna satymen kóterilý;

- «Jaýyngerlik qanat jaıý».

Barlyq qatysýshylar qoıylǵan tapsyrmalardy, alaıda jarystyń jeńimpazydary bolýy shart. «Úzdik gaztútinnen qorǵaý qyzmetiniń býyny» ataǵyna ótkizilgen oblystyq baıqaý-konkýrstyń jeńimpazy tynys organdaryn jeke qorǵaý quraldarynyń tıpine qaramastan, aıyp ýaqytynyń esebimen, kezeńderdi ótý barysynda eń az jumsalǵan ýaqyt boıynsha anyqtalady.

Baıqaý-konkýrs qorytyndysy boıynsha birinshi oryndy Taraz qalasy №1 Mamandandyrylǵan órt sóndirý bóliminiń komandasy ıelendi, ekinshi oryn – Merki aýdany, Merki aýyly №9 órt sóndirý bólimi, úshinshi oryn – T.Rysqulov aýdany №10 О́rt sóndirý bólimi ıelendi.