• USD 389.52
  • EUR 429.21
  • RUB 6.07
  • CNY 54.94
17 Qazan, 12:13:37
Prezıdenttik jastar kadr rezervine irikteýdiń kelesi kezeńine 904 qatysýshy ótti

09 Qazan, 2019 Aımaqtar

Erinbegen adamǵa kásip kóp

Jambyl oblysyna Asqar Myrzahmetov ákim bolyp kelgeli eldi mekendegi shendilerdiń jumys algorıtmi bekitilip, ákim qaralar osy syzba boıynsha jumys jasaı bastaǵan bolatyn. Jáne ár esepti toqsanda olardyń jumys júıesi osy algorıtm arqyly baǵalanyp, jańylǵandar jazadan qashyp qutylmaǵan-dy. Sondyqtan jyl sońyna qaraı aýdan ákimderi kórsetkishin túzeý úshin aýyl-aýyldardy aralaýda. Jýaly aýdanynyń ákimi Narbaı Ergebekov te bul úrdisten aınymaı otyr, dep jazady Qamshy.kz aqparat agenttigi. 

Aýdan ákimi jumys saparymen eń aldymen Bılikól aýyldyq okrýgine bardy.Aýdan basshysynyń jumys sapary okrýgke qarasty Ábdiqadyr Júrgenuly aýylynan bastaý aldy. Onda Narbaı Ergebekov №36 Shoqan Ýálıhanov atyndaǵy negizgi mekteptiń jumysymen tanysyp, qysqy jylytý maýsymyna daıyndyq barysymen tanysty.Narbaı Ábilqasymulynyń okrýgke jasaǵan sapary Jylybulaq aýylynda óz jalǵasyn tapty. Onda Jylybulaq bastaýysh mektebiniń jumysy, aýyldyq medısınalyq pýnkttiń, aýyldyq klýbtyń jaı-kúıi nazarǵa alyndy. Aýyldaǵy jalǵyz aǵartý mekemesi 2001 jyldan beri jumys istep keledi eken. Bilim oshaǵynda 1 jáne 4 synyp aralyǵynda 23 oqýshy bilim alýda. Al daıarlyq tobynda jeti bala bar. Bilim oshaǵy kúrdeli jóndeýdi qajet etip otyr. Shaǵyn mekteptiń basqa da problemalaryn mekeme basshysy Kúlbala Omarova aıtyp berdi. Aıta ketý kerek, aýdan basshysy Darbaza aýylynda da bolyp, aýyldyq medpýnkttiń jumysymen tanysty.

Aýdan ákiminiń jumys sapary kelesi kezekte aýyldyq okrýgtiń ortalyǵy Qarabastaý aýylynda óz jalǵasyn tapty. Onda birqatar áleýmettik nysandar men aýyldyq meshittiń kúndelikti jumystary men máseleleri nazarǵa alyndy. Sonymen birge Q.Qoshmambetov atyndaǵy orta mektepke jylytý qazandyǵy salynýda. Aýdan basshysy Narbaı Ergebekov bul jumystardy da óz kózimen kórip, jumystardy júrgizip jatqan tıisti merdiger kompanııa basshylaryna jumysty sapaly ári belgilengen ýaqtysynda aıaqtaýdy tapsyrdy.

Aýdan basshysynyń Bılikól aýyldyq okrýgine jasaǵan jumys sapary Qarabastaý aýylyndaǵy mádenıet úıinde qorytyndylanyp, onda birqatar ózekti máseleler talqylandy. Jıyndy Narbaı Ergebekov ashyp, basqosýdy ashyq ári erkin formatta ótkizýdi usyndy. Alǵash bolyp aýyldyq okrýgtiń jańadan saılanǵan ákimi Talǵat Ámirálıev aǵymdyǵy jyldyń toǵyz aıynda atqarylǵan jumystar jóninde baıandama jasady.

– Aǵymdaǵy jyldyń segiz aıynda okrýgte «О́ńirlerdi damytý» baǵdarlamasy sheńberinde Darbaza aýylyndaǵy Darbaza kóshesin aǵymdaǵy jóndeý jumystary júrgizilip, tolyǵymen aıaqtaldy. Sonymen birge Jylybulaq aýylyndaǵy Jylybulaq kóshesi de orta jóndeýden ótkizildi. Shaǵyn kásipkerlik salasyndaǵy jumystar óz deńgeıinde atqarylýda,- dedi Talǵat Pernebekuly.

Kelesi kezekte aýdan ákimi Narbaı Ergebekov sóz alyp, birqatar máselelerdi sóz etti.

-Bıylǵy jyly oblys ákimi Asqar Myrzahmetovtyń tikeleı bastamasymen «Qarapaıym zattar ekonomıkasy» qanatqaqty jobasy qolǵa alynyp otyr. Sizderdi osy joba aıasyndaǵy jumystarǵa belsendi qatysýǵa shaqyramyn. Qazirgi tańda kásipkerlikke bet burý mańyzdy. Jumystyń kózin taýyp, erinbegen adamǵa kásip kóp. Eń aldymen kásipkerlikti damytýǵa kúsh salyńyzdar degim keledi, - dedi ákim.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir