Deni saý urpaq – ult keleshegi

Qazaqstan Respýblıkasy Prezıdenti Ákimshiligi janyndaǵy balalardyń quqyqtary men zańdy múddelerin qorǵaýdy qamtamasyz etý júıesin jetildirý týraly usynystardy zerdeleý jáne jınaqtaý máseleleri jónindegi jumys toby Jambyl oblysy Jýaly aýdanynda,y jumys sapary kezinde bilim bóliminiń psıhıkalyq-pedagogıkalyq túzetý kabınetine aıaldap, múmkindigi shekteýli balalardy ońaltý sharalarynyń barysyna qanyqty, dep jazady Qamshy.kz aqparat agenttigi. 

Top basshysy Mansııa Iskazınany mekemede balalar serebraldy paralıchi, aýtızm, Daýn sındromy aýrýlaryna shaldyqqan balalarmen jasalatyn pedagogıkalyq-psıhologııalyq túzetý jumystary qyzyqtyrdy. Olıgofrenopedagog, logoped, psıholog jáne defektolog mamandardyń kabınetterine jeke-jeke kirip kórip, olardyń jumysyna zer saldy. № 15 mektep-lıseıde az qamtylǵan otbasylardan 50 oqýshy bir mezgil ystyq tamaqpen qamtylǵan. Munda top basshysy ashananyń as mázirinen bastap, tazalyǵy, taǵamdardyń daıyndalýy, bólinýi men taratylýyna deıingi jumysynyń barysyn qadaǵalady.

Aýdan ákimdiginiń májilis zalynda jumys tobynyń músheleriniń qatysýymen aýdandaǵy balalar quqyǵy men zańdy múddelerin qorǵaýǵa qatysy bar mekemeler basshylarymen jáne mektep dırektorlarymen ótken jıynda aýdandyq polısııa bóliminiń bastyǵy, polısııa podpolkovnıgi Mergenbaı Qoıkenov pen aýdan ákimdigi bilim bóliminiń basshysy Májıt Aıjanov, quqyq qorǵaý organdary men bilim berý mekemeleri tarapynan aýdanda kámeletke tolmaǵandarmen jáne sýısıdtiń aldyn alý jumysynyń barysy, aýdan ákimdigi jumyspen qamtý jáne áleýmettik baǵdarlamalar bóliminiń basshysy Kerimhan Tórequlov ataýly áleýmettik kómek alýshylar otbasylardyń jaǵdaıy, aýdandyq ortalyq aýrýhana bas dárigeriniń m.a. Nurbaı Ergebekov aýdandaǵy analar men balalar densaýlyǵy, kámeletke tolmaǵandar arasynda erte júktiliktiń aldyn alý, túrli psıhıkalyq aýrýlarǵa shaldyqqan balalarmen jumys týraly baıandap berdi.

Jumys toby aýdandyq ortalyq aýrýhananyń qabyldaý bólimin, kúndizgi stasıonardy jáne balalar bólimin aralady. Mansııa Aıapbergenqyzy profılaktıkalyq ekpeniń halyqtyń densaýlyǵy úshin mańyzyn aıta kele, olardan bas tartqan azamattarmen jumystyń qaı deńgeıde júrgizilip jatqanyn surastyrdy.

Kelesi kezekte jumys toby Nurlykent aýylynda memleketten ataýly áleýmettik kómek alýshy alty balanyń anasy Raıhan Aqjigitovanyń otbasynda bolyp, onyń turmys jaǵdaıymen tanysty. Raıhan Aqjigitova balalaryna áleýmettik járdemaqymen qatar mektep kıimi, sport kıimderi beriletinin, mektepte bir mezgil ystyq tamaqpen qamtamasyz etilip otyrǵanyn rızashylyq sezimmen aıtty. Taǵy bir qýanyshty jaǵdaı, jaqynda onyń bank aldyndaǵy qaryzdary da ótelgen eken. Otanasy kórsetilgen kómek-qoldaý úshin Memleket basshysyna zor alǵysyn bildirdi. Mansııa Iskazına aýyldyq okrýg ákimi Nurjigit Bólekbaevqa, aýdan ákimdigi jumyspen qamtý jáne áleýmettik baǵdarlamalar bóliminiń basshysy Kerimhan Tórequlovqa kópbalaly otbasynyń qosymsha tabysyn arttyrý úshin jumyspen qamtý sharalaryna tartý qajettigin tapsyrdy.