Kenenniń tirligi kelisti

Atqa qonǵan azamatyń abyroıly bolsa, jurttyń da bosaǵasyna bereke kiretini belgili. Sondyqtan dana qazaq «Ákim bol, halqyńa jaqyn» bol dep beker aıtpaǵan. Qazirgi tańda aýyldaǵy aǵaıynnyń qamyn oılaıtyn birden-bir azamat aýyl ákimi ekeni daýsyz. Sondyqtan eldi meken ákimderi Elbasyna tapsyrmasyna oraı el aldynda esep berýdi dástúrge aınaldyrǵan dep jazady Qamshy.kz aqparat agenttigi. Máselen Qordaı aýdanyna qarasty Kenen aýyldyq okrýginiń ákimi Núrken Jamankózevtiń sózine súıensek, 2019 jyldyń 9 aıy ishindegi okrýgtiń áleýmettik-ekonomıkalyq damýynda aıtarlyqtaı dúmpý bar eken.

Bıýdjetke túsetin salyqtyq tólemderdiń josparǵa saı atqarylǵanyn aıtyp ótken aýyl basshysy jyl basynan bastap jergilikti ózin-ózi basqarý shoty boıynsha qoǵamdastyq múshelerimen 11 jıyn uıymdastyrylyp, qarajattardy maqsatty paıdalaný baǵytyndaǵy jumystar jaıyna toqtaldy. Kenen aýylynda «О́ńirlerdi damytý-2020» baǵdarlamasy aıasynda E.Qashaǵanov kóshesiniń 150 metr jolyna aǵymdy jóndeý jumystary júrgizilipti. Sonymen qatar, qyrkúıek aıynda N.Belashov kóshesiniń 480 metrine jaryqtandyrý júrgizilse, Saımasaı Káketaı jáne Tynybaı Majırın kóshelerine 17 dana kóshe baǵyttaǵysh ornatylǵan.

Aýyldaǵy aýyl sharýashylyǵy salasy da ońdy jolǵa qoıylǵan. Bıylǵy jıyn-terim jumystary tolyǵymen aıaqtalyp, sharýalar astyqty shashaý shyǵarmaı jınap alypty. Kásipkerlik salasy boıynsha, aýdandyq kásipkerler palatasy arqyly «Bastaý bıznes», «Bereke» baǵdarlamalaryna qatysqan birqatar kenendikter nesıesin alyp, kásibin bastasa, eki azamat qujattaryn ótkizip qoıǵan.

– Aýyl sharýashylyq maldardyń juqpaly indetterge qarsy jumystaryn 7 mal dáriger mamandary atqarady. Olar kerekti jabdyqtarmen jáne avtokóligimen qamtamasyz etilgen. Aýylda maldarǵa bekitilgen jospar boıynsha aldyn ala egý sharalary, qan alý, syrǵa salý jáne veterınarııalyq anyqtama berý jumystary jolǵa qoıylǵan. Aǵymdaǵy jyly jańa veterınarlyq pýnkt iske qosyldy, – deıdi N.Jamankózov.

Kenende jańa formattaǵy ataýly áleýmettik kómek alatyndar sany 34 adam bolsa, bir azamatqa shartsyz áleýmettik kómek taǵaıyndalypty. Sonymen birge, nátıjesiz jumyspen qamtylǵan 50 azamat búgingi kúni ózektendirilip, sanattary anyqtalǵan.

Qaırymdylyqty janyna serik etken kenendikter sol baǵytta da qomaqty jumystar atqarypty. Máselen, bir kópbalaly otbasyna aýyl ákimshiligi men aýyl ımamynyń uıytqy bolýymen kenendik jamaǵat 3 mıllıon teńgege úı alyp berse, bir jalǵyz basty ana men turmysy tómen taǵy bir otbasyna qarjylaı kómek kórsetilgen. Al, respýblıkalyq «Mektepke jol» aksııasy aıasynda 24 oqýshyǵa mektepke qajetti formasy men quraldar tartý etilgen.

Iá, Kenenniń tirligi kelisti.