• USD 389.52
  • EUR 429.21
  • RUB 6.07
  • CNY 54.94
17 Qazan, 12:09:52
Prezıdenttik jastar kadr rezervine irikteýdiń kelesi kezeńine 904 qatysýshy ótti

09 Qazan, 2019 Aımaqtar

Jambyldyqtardyń sybaılas jemqorlyqpen kúres qyzmetine senimi arta túsken  

 

Jambyldyqtardyń sybaılas jemqorlyqpen kúresetin kúshtik qurylymdarǵa senimi nyǵaıyp keledi. Bul málimetti óńirlik kommýnıkasııalar qyzmetinde ótken brıfıngte Qazaqstan Respýblıkasy Sybaılas jemqorlyqqa qarsy is-qımyl agenttiginiń oblys boıynsha departamentiniń basshysy Ádilhan Áshirbaev málim etti, dep jazady Qamshy.kz aqparat agenttigi. 

Jyl basynan bergi Qazaqstan Respýblıkasy Sybaılas jemqorlyqqa qarsy is-qımyl agenttiginiń oblys boıynsha departamentimen atqarylǵan jumysty baıandaǵan departament basshysy óńirde sybaılas jemqorlyq sıpatyndaǵy qylmystar sanynyń artyp kele jatqandyǵyna basa nazar aýdardy.

–Aǵymdaǵy jyldyń 9 aıynda sybaılas jemqorlyq deregi boıynsha 6, kishi jáne orta bıznes sýbektileriniń jumysyna aralasý boıynsha 14, laýazymdy tulǵalar tarapynan kóleńkeli bızneske qamqorlyq deregi boıynsha 7 jáne memlekettik baǵdarlamalar aıasynda bólingen qarajattardy urlaý boıynsha 14 qylmys tirkeldi.

Memlekettik organdar arasynda sybaılas jemqorlyq sıpatynda jasalynǵan qylmystardyń sany boıynsha áli kúnge deıin jergilikti atqarýshy organdar kósh bastap keledi. Jergilikti atqarýshy organdardyń laýazymdy tulǵalaryna qatysty 53 qylmystyq is tirkeldi. О́tken jyldyń esepti kezeńinde bul tulǵalardyń qatysýymen 34 qylmys oryn alǵan edi. Sondaı-aq 16 ret sybaılas jemqorlyq sıpatyndaǵy qylmystyq áreketterge jol bergen ishki ister organdarynyń qyzmetkerleri aǵymdaǵy jyldyń 9 aıynda 17 ret tıisti zańǵa kóz juma qaraǵan. Munan bólek, arnaıy memlekettik organdardyń qyzmetkerleri, áskerı shendiler, Qarjy mınıstrliginiń qurylymdyq bólimsheleriniń qyzmetkerleri de sybaılas jemqorlyq sıpatyndaǵy qylmystarǵa jol berýde,–dedi Ádilhan Hasymhanuly.

Departament basshysynyń aıtýynsha bul derekter óńirdegi sybaılas jemqorlyq sıpatyndaǵy qylmystardyń sanynyń artýynan buryn azamattardyń arnaıy ýákilettik organdarǵa seniminiń nyǵaıa túskendigimen baılanystyrady.

–Joǵary da keltirilgen statıstıkaǵa qarap oblystaǵy sybaılas jemqorlyqqa jol berýshilerdiń sanynyń artqandyǵyn ańǵarýǵa bolady. Alaıda shyndap qarasańyz bul jambyldyqtardyń osy tektes árekettermen betpe-bet kelgende tıisti quqyq qorǵaý organdarynyń kómegine júginetindigin kórsetedi. Sondyqtan biz sybaılas jemqorlyqty joıýda únemi halyqtyń qoldaýyna senim artamyz,–deıdi departament basshysy.

Jalpy jyl basynan sybaılas jemqorlyqqa qarsy kúres qyzmeti 93 qylmystyq is sotqa joldanyp, 89 tulǵa qylmystyq jaýapkershilikke tartylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir