• USD 389.52
  • EUR 429.21
  • RUB 6.07
  • CNY 54.94
18 Qazan, 13:00:46
Sarapshylar joldaýdyń júzege asyrylýyn talqylady

09 Qazan, 2019 Aımaqtar

Kóptiń qamyn, jumysshynyń jaıyn oılaǵan sharýa

T.Rysqulov aýdanyndaǵy «Sháýshen» sharýa qojalyǵy óz jumysshylarynyń jaıyn oılap, olardy baspanamen qamtý, balalarynyń mektepke deıingi tárbıe oryndarynda tárbıelenýi, mektepte bilim alý syndy áleýmettik máseleleriniń sheshimin tapqan birden bir agroqurylym sanalady, dep jazady Qamshy.kz aqparat agenttigi. 

Sharýa qojalyqqa Qazaqstannyń Eńbek Eri Saırambaı Dónenbaev jetekshilik etedi. 22 jyl ishinde qoıdyń basyn 150, jer kólemin 65 esege kóbeıtýge qol jetkizgen qojalyq ıesi osynaý jetistiktiń syryn jumysshylarynyń áleýmettik jaǵdaıyn jaqcartýǵa den qoıýymen túsindiredi.

–Sharýa qojalyqty ashyp, óz qyzmetimizge kirisken shaqta bizde 200 gektar egistik jer, 362 bas qoı jáne 15 jylqy, 11 bas sıyrymyz boldy. Mine arada 22 jyl ótken soń biz usaq maldyń sanyn 56 myńǵa, Qambar ata túligin 2300 basqa jetkize aldyq. Sondaı-aq egistik jer kólemi 13 myń gektarǵa deıin ulǵaıdy.

Biz mal basyn arttyrý, onyń ónimderimen ishki naryq qajettiligin óteýmen birge jumysshylardyń áleýmettik máseleleriniń de sheshimin tabýǵa kóńil bóldik. Qurylys jumystaryn qolǵa alyp malshy, jumysshylardyń balalaryna arnap 50 oryndyq balabaqshany paıdalanýǵa berdik. Bıyl sharýashylyqtan 10 jyldan kóp eńbek sińirgen 8 azamatqa zaman aǵymyna saı sán-sáýleti jarasqan úı salyp alýǵa 15 mıllıon teńgeden berip otyrmyn, –deıdi Saırambaı Dónenbaev.

Aıta ketý kerek búginde tutas T.Rysqulov aýdanymen birge oblystyń agrosaladaǵy aıtýly kásipornyna aınalǵan «Sháýshen» sharýa qojalyǵyna 2005 jyly Elbasy Nursultan Nazarbaevtyń ózi arnaıy at basyn buryp, ondaǵy jumystyń barysymen tanysqan-dy. Sol sátte Elbasy Saırambaı Dónenbaevqa jıǵan baılyqty eldiń ıgiligine jumsaýǵa shaqyrdy. Mine sodan bergi aralyqta «Sháýshen» sharýa qojalyǵymen bul aımaqta birqatar aıtýly ister qolǵa alyndy. Aýyl turǵyndarynyń ıgiligine 300 oryndyq ashana paıdalanýǵa berildi. Turǵyn úı keshenderi men záýlim meshit, medrese qurylysyn da Saıranbaı Áliquly ózi qarjysyna júrgizdi. Al 2017 jyl aımaqta «Taý-qymyz» emdeý-saýyqtyrý ortalyǵyn paıdalanýǵa berdi.

Osynaý ıgilikti istiń basy qasynda júrgen Saırambaı Dónenbaev 2003 jyly «Eren eńbegi úshin» medali men al 2012 jyly «Qurmet» ordenimen marapattaldy. О́tken jyly ol elimizdegi eń joǵary memlekettik nagrada sanalatyn «Qazaqstannyń Eńbek Eri» ataǵyn ıelendi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir