• USD 468.56

  • EUR 497.56

  • RUB 7.3

  • CNY 67.18

29 Naýryz, 16:32:18
Almaty
+35°

Jambyl oblysynda sýarmaly egistik alqabyn ulǵaıtý maqsatynda mehanıkalyq otrıadtyń múmkindigi keńinen paıdalanýda. Kúni búginge deıin mehanıkalyq otrıad kómegimen oblys aýmaǵyndaǵy jalpy uzyndyǵy 41,6 shaqyrymdy quraıtyn 7 kanal men 3 sý qoımasyna mehanıkalyq tazalaý jumystary júrgizildi. Sáıkesinshe bul sý júıeleriniń kómegimen óńirdegi sýarmaly jer kólemin 1404 gektarǵa ulǵaıdy, dep jazady Qamshy.kz aqparat agenttigi. 

Oblys kólemindegi sý tasqynynyń aldyn alý, aýyl sharýashylyǵy alqaptaryndaǵy sý júıeleri men kanaldardy tazartý jáne qalpyna keltirý jumystaryn turaqty júrgizý kiretin kásiporynnyń materıaldyq-tehnıkalyq bazasyn qalyptastyrýǵa oblys bıýdjetinen 693 mıllıon 600 myń teńge bólingen. Atalǵan qarjyǵa 46 dana tehnıka satyp alyndy.

–Búgingi kúnge deıin mehanıkalyq jasaq Baızaq, Jambyl, Moıynqum aýdandaryndaǵy gıdroqurylymdardyń tehnıkalyq jaǵdaıyn nyǵaıýtýǵa kúsh saldy. Sondaı-aq jeke sharýa qojalyqtarymen kelisim-shart jasasý arqyly jalpy somasy 14 mıllıon 753 myń 741 teńgeni quraıtyn jumys júrgizildi, –deıdi «Talas Asa» cý sharýashylyǵy kásipornynyń dırektorynyń orynbasary Baýyrjan Ibragımov.

Bıyl bul qurylym jyl sońyna deıin jalpy somasy 111 mıllıon 800 myń teńge bolatyn kanaldardy tazalaý, jóndeý jáne ózenderdiń jaǵalaýlaryn nyǵaıtý jumystaryn júrgizedi. Tek Moıynqum aýdanynyń ózinde jasaqtyń tehnıkalyq múmkindigi paıdalanylyp, 46 shaqyrymdy quraıtyn kanal tazalandy. Kóktemgi egis jumystaryna deıin bul aýdandaǵy aýdanda jalpy uzyndyǵy 19,5 km kanaldarǵa mehanıkalyq tazalaý jumystary júrgizildi. Sondaı-aq Talas aýdanynda uzyndyǵy 1,5 shaqyrym bolatyn kanalǵa mehanıkalyq tazalaý jáne 5 shaqyrym temirbeton kanaly qaıta qalpyna keltirildi.

Mehanıkalyq otrıad kómegimen aýdandaǵy «Sanýı», «Kókjelek», «Kúshaman» kanaldaryna tazalaý jumystaryn júrgizildi. Bul kanaldarǵa sáýir aıynda aǵyn sý jiberldi. Nátıjesinde bıyl aýdandaǵy sýarmaly egistik kólemi 5074 gektarǵa deıin ulǵaıdy, –deıdi Moıynqum aýdany ákimdiginiń aýyl sharýashylyǵy bóliminiń basshysy Qydyr Eleýsizov.

1991 jyly Jambyl oblysynda 209 myń gektar sýarmaly egis alqaby bolsa, qazir óńirdegi sýarmaly jer kólemi 184 myń gektardy quraıdy. Oblysta 2021 jylǵa sýarmaly egis alqabyn 13 myń gektarǵa ulǵaıtý josparlanyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir