• USD 389.52
  • EUR 429.21
  • RUB 6.07
  • CNY 54.94
15 Qazan, 10:23:27
Ermekbaev: Jumys qaýipti, ómirleri úshin qaýip-qater bar

09 Qazan, 2019 Aımaqtar

Kásipkerlerdiń quqyqtary qatań saqtalady

«Atameken» ulttyq kásipker palatasy oblystyq fılıalynyń kásipkerlerdiń quqyǵyn qorǵaý jáne ákimshilik kedergilerdi azaıtý bólimi jeke isin júrgizýde zańgerlik keńeske júginýge májbúr bolǵan jambyldyq bıznes ókilderiniń talap-tilekterine qulaq túrip keledi. Jyl basynan beri bólimge túsken 225 aryz-shaǵymnyń 48-i oń sheshimin tapqan, dep jazady Qamshy.kz aqparat agenttigi. 

Jalpy atalǵan bólimnen bólek kásipkerlerdiń quqyǵyn qorǵaýda kásipkerler palatasy janyndaǵy kásipkerlerdiń quqyǵyn qorǵaý jáne sybaılas jemqorlyqqaqar keńestiń kómegine júginýshiler de tabylady.Al bilikti mamandar jábirlenýshilerdiń qupııa shaǵymdaryna qulaq túrip, olardyń aryz-shaǵymdaryn tekseretin bólimge aǵymdaǵy jyldyń 8 aıynda 225 aryz-shaǵym túsken.

–Mundaǵy 48 aryz-shaǵym ıesi óz degenine jetip, ister jábirlenýshilerdiń paıdasyna sheshilgen. Kásipkerlikke kedergi keltirgisi kelgen 16 tulǵaǵa tártiptik jaza qoldanyldy. Atap aıtqanda mektepterdegi ystyq tamaqty uıymdastyrýǵa jaýapty kásipkerlerdiń áreketine aralasqan 8 bilim berý mekemesiniń qyzmetkeri tıisti jazasyn aldy. Sondaı-aq qyzmettik mansabyn paıdalanyp bıznes ókilderiniń quqyǵyn taptaǵysy kelgen 3 jol saqshysyna áreketine shekteý qoıyldy.

«Atameken» ulttyq kásipker palatasy oblystyq fılıalynyń kásipkerlerdiń quqyǵyn qorǵaý jáne ákimshilik kedergilerdi azaıtý bólimine túsken aryzdy tekserýde zańǵa qaıshy áreket etkeni dáleldenip, tártiptik jazaǵa tartylǵandardyń qatarynda qurylys, memlekettik satyp alý, jer qatynystary salasynyń jaýapty mamandary bar. Esepti kezeńde kásipkerlerden túsken aryz-shaǵym boıynsha quqyq qorǵaý organdarymen kóterilgen 19 is sotqa jetip, ondaǵy 11 is kásipkerlerdiń paıdasyna sheshildi, –deıdi oblystyq kásipkerler palatasy dırektorynyń quqyqtyq máseleler jónindegi orynbasary Irına Kım.

Dırektordyń orynbasary palata janyndaǵy quqyǵyn qorǵaý jáne ákimshilik kedergilerdi azaıtý bóliminen bólek kásipkerlerdiń quqyǵyn qorǵaý jáne sybaılas jemqorlyqqaqar keńesine de jergilikti bıznes qaýymdastyqtyń senimi nyǵaıa túskenin jasyrmady. Jyl basynan beri 7 márte bas qosqan keńes músheleri saladaǵy ózekti 11 máseleni kóterip, olardyń jeteýiniń kásipkerlerdiń múddesine sheshilýine bastama kótergen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir